Президентимизнинг “Тошкент вилоятида кичик саноат зоналарини ташкил этиш тўғрисида”ги қарорининг вилоят ҳудудидаги ижросини назорат-таҳлил тариқасида ўрганиш якунлари юзасига бағишланган Халқ депутатлари Тошкент вилояти Кенгашидаги O‘zLiDeP депутатлик гуруҳининг навбатдаги йиғилиши якунланди.

Унда тадбиркорлар ва ишбилармонлар мутасадди ташкилотларга мазкур кичик саноат зонасида ўз фаолиятларини йўлга қўйишда айрим камчилик ва муаммолари борлиги юзасидан таклиф ҳамда фикр-мулоҳазаларини билдирди. Хусусан,  кичик саноат зонаси ҳудудида ички ва ташқи муҳандислик-коммуникация тизимларини шакллантириш лойиҳалари тўлиқ ишлаб чиқилмагани, электр энергияси, табиий газ, ичимлик суви ва канализация тизими билан таъминлаш бўйича ҳеч қандай ишлар амалга оширилмагани, қўшимча ер майдонлари ўз вақтида ажратилмагани каби камчиликлар борасида танқидий фикрлар билдирилди.

Йиғилиш якунида кўтарилган бу  каби қатор муаммо  ва камчиликларни ўз вақтида бартараф этиш бўйича Халқ депутатлари Тошкент вилояти Кенгашининг навбатдаги сессияси муҳокамасига киритишга келишиб олинди.

Мавзу юзасидан:

• Тошкент вилояти ҳокимининг биринчи ўринбосари O‘zLiDeP депутатларига ҳисобот берди
• Тошкент вилоятида кичик саноат зоналарини ташкил этиш борасида амалга оширилаётган ишлар O‘zLiDeP депутатлари томонидан муҳокама этилмоқда

O‘zLiDeP Тошкент вилоят

Кенгаши матбуот хизмати