O‘zLiDeP Булунғур туман Кенгаши тумандаги миллий ҳунармандчилик коллежида “Касб танлови – бахт танлови” мавзусида ўқувчи-ёшларни касбга йўналтиришга бағишланган тадбир ташкил этди.

– Ёшларга оид давлат сиёсатининг амалга оширилиши ўз самарасини бермоқда, – дейди O‘zLiDeP Булунғур туман Кенгаши раисининг биринчи ўринбосари – аппарат раҳбари Акмал Тўраев. – Айниқса, ёшларни ўқувчилик давридан бошлаб касб-ҳунарга йўналтириш, уларнинг интеллектуал ва ижодий салоҳиятини юксалтиришда муҳим аҳамият касб этади. Мазкур тадбирдан кўзланган мақсад ҳам ёшларни касб-ҳунарга бўлган қизиқишини янада орттиришдан иборат.

Таъкидлаш керак, Булунғур миллий ҳунармандчилик коллежида йигит- қизларни касб-ҳунарга ўргатиш мақсадида замонавий тикув машиналари, пазандалик асбоблари келтирилган. Шунингдек, дурадгорлик, темирчилик, чилангарлик каби касбларни пухта ўрганиш имконини берадиган устахоналар ташкил этилган. Ҳозирда коллеждаги устахонада 100 дан зиёд ўқувчи ўнга яқин касб-ҳунар сирларини ўрганмоқда.

Тадбир сўнгида ўқувчиларни касб-ҳунарга йўналтириш, қобилият ва қизиқиши асосида таълимнинг кейинги босқичига жалб этиш борасида ҳамкорликни янада кучайтириш юзасидан фикр алмашилди. 

O‘zLiDeP Самарқанд вилоят Кенгаши

Матбуот хизмати

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!