Ёш велоспортчилар мусобақаси
28.02.2018, 15:47
O‘zLiDeP Тошкент шаҳар Кенгаши ташаббуси билан Олмазор туманидаги 2-сонли болалар спорт мактабида ўсмирлар ва ёшлар ўртасида велоспорт бўйича мусобақа ўтказилди. Унда 12 ёшдан 18 гача бўлган спортчилар иштирок этди.
Тадбирда сўз олганлар Президентимиз раҳнамолигида спортни ривожлантиришга алоҳида эътибор қаратилаётгани самарасида аҳоли, айниқса, ёшлар ўртасида велоспорт ҳам тобора оммалашиб бораётганини таъкидлади.
– Мазкур веломарафон аҳоли ўртасида соғлом турмуш тарзини тарғиб қилишда муҳим аҳамият касб этмоқда, – дейди Халқ депутатлари Чилонзор туман Кенгаши депутати Шерзод Эшназаров. – O‘zLiDeP томонидан велоспорт бўйича мусобақа ташкил этишдан мақсад ёшларни соғлом ва бақувват қилиб тарбиялаш, уларда соғлом турмуш тарзини тарғиб қилишдир. Зеро, келажагимиз эгалари бўлган ёшларни маънан ва жисмонан соғлом қилиб вояга етказиш барчамизнинг бурчимиздир.
Мусобақа якунида ғолиб ва совриндорларга диплом ва эсдалик совғалари топширилди.
Муроджон ЎРИНОВ,
O‘zLiDeP Тошкент шаҳар
Кенгаши матбуот котиби
O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!
Ўхшаш янгиликлар
-
Ёшларнинг молиявий саводхонлиги оширилди
16.03.2024, 14:43
-
Депутат талабаларнинг таълим ва иш билан бандлик йўналишидаги муаммолари билан қизиқди
07.03.2024, 10:48
-
Мактаб битирувчилари ёшлар кичик саноат зонаси фаолияти билан танишди
01.03.2024, 22:10
-
Ёшларнинг сиёсий саводхонлиги оширилмоқда
24.02.2024, 13:33
-
Депутатлар ва партия фаоллари ёшлар ҳузурида
24.02.2024, 13:21
Фикрингизни қолдиринг