PROTODAY.UZ: Элга камарбаста депутат

13.11.2017, 19:19

PROTODAY.UZ: Элга камарбаста депутат

Сариосиё туманидаги “Санжарбек файз-барака” хусусий корхонаси 2012 йили ташкил этилган эди. Бир йилча олдин корхона раҳбари Собир Жумаев фаолиятини кенгайтириш мақсадида банкдан кредит сўраб мурожаат қилди, деб ёзади Uzlidep.uz

– Давлатимиз раҳбари Шавкат Мирзиёевнинг ҳар бир қарор ва фармони бевосита биз тадбиркорларнинг манфаатларини кўзлаб қабул қилиняпти, – дейди у. – Бу эса ишга янгича ёндашувни тақазо этади. Ана шу мақсадда биз ҳам нон ва нон маҳсулотлари ишлаб чиқариш эвазига корхонамиз фаолиятини кенгайтиришни ният қилдик. Акциядорлик тижорат Халқ банкининг Сариосиё туман филиалидан молиявий кўмак сўрадик. Афсуски, ҳадеганда ишимиз юришавермади. Кредит ажратиш пайсалга солинаверди…

Кейин нима бўлди дейсизми? Собир Жумаев шу йилнинг 28 июль куни халқ депутатлари туман Кенгашидаги Ўзбекистон Либерал-демократик партияси депутатлик гуруҳи аъзоси Мақсуда Зариповага мурожаат қилди. Орадан кўп ўтмай, “Санжарбек файз-барака” хусусий корхонасига 160 миллион сўм кредит ажратилди.

– Давлатимиз раҳбари шу йил 12 июлда Олий Мажлис палаталари, сиёсий партиялар ҳамда Ўзбекистон Экологик ҳаракати вакиллари билан видеоселектор йиғилишида депутатлар халқимизнинг оғирини енгил қилиши, сайловчилар билан доимий мулоқотда бўлиши бугунги куннинг муҳим вазифаси эканини алоҳида таъкидлагани бежиз эмас, – дейди O‘zLiDeP Сариосиё туман Кенгаши аппарати раҳбари Умиджон Худойқулов. – Ўша учрашув сиёсий партиялар ҳамда депутатларнинг сергак тортишига, ўз зиммасидаги масъулиятни янада теранроқ англашига туртки бўлди. Маҳаллий кенгашда Мақсуда Зариповадан ташқари партиямиздан яна 8 нафар депутатимиз бор. Айни кунларда Алижон Эшматов, Очилди Хидиров ва Ботир Розиқов каби халқ вакиллари ҳам ўз ҳудудларидаги тадбиркорларнинг муаммоларини ҳал қилишда ибрат кўрсатишмоқда.

Дарвоқе, фаол ва ташаббускор депутат Мақсуда Зарипова кам таъминланган оилалар, кекса ва ногиронлар ҳолидан ҳам тез-тез хабар олади. Ҳомийлар ва саховатпеша инсонлар кўмагида уларни моддий ва маънавий қўллаб-қувватлаш ишларига бош-қош бўлмоқда.

– Яхшилик ҳеч қачон унутилмайди, – дейди Шарғун шаҳри Боғишамол маҳалласида яшовчи Шаҳло Самадова. – Оилада 11 кишимиз. Гулбаҳор опам биринчи, Санобар опам эса иккинчи гуруҳ ногирони. Саксон ёшли онамнинг кўзлари ожиз, кўп йиллардан бери қандли диабет касаллиги безовта қилади. Рўзғор тебратиш оғир бўлиб қолганидан кейин Мақсуда Зариповадан ёрдам сўрадик. Депутатимиз “Маҳалла” хайрия жамоат фонди ва муравватли ҳомийлар билан бирга доим ҳолимиздан хабар олиб турибди. Халқ дардини ўйлайдиган яхши одамлар кўпаяверсин…

Бахтиёр АЛИҚУЛОВ,

“ХХI asr” мухбири

PROTODAY.UZ

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг! 

  • Кўрилди
    1625
  • Чоп этиш
  • Дўстлар билан улашиш
← Орқага қайтиш

Билдирилган фикрлар

Sardorbek2020-03-09 22:52:29

Assalomu Aleykum Menga 20 sotix yer k.k tadbirkorligimni rivojlantirish u.n. 5 kishini ish b.n taminlab beraman


Sherzod2020-02-22 16:15:23

Salom men yosh tadbirkorman menga xizmat kursatish hamda oziq ovqat savdo dukoni qurish uchun bosh yer kerak shunga yordam berishlarizni surayman


Raximov Botir Baxtiyor o'g'li2020-02-16 22:03:13

Menga toshkent shaxardan bosh yer kerak abtoservis moyka oziq ovqat qurib 10 15 kishini ish bilan tamiliman


Samandar2020-02-12 21:45:43

Менга автосервис куриш учун буш ер керак автосервис очиб 10 кишини иш Билан бандлигини таьминламокчиман амалий ёрдамлариз керак


Firuz2020-01-20 21:50:47

Menga jizzax viloyati dustlik tumanidan mashina yuvish uchun (moyka) qurish uchun bosh er maydoni kerak


Ulugbek2019-11-13 12:39:56

Agar auksiondan yer oladigon bolsam tadbirkorlik qilishga mablag yetmeydi.Hokimyatga borsam faqat auksion orqali beradi diyishyabdi qanday qilib tadbirkorlik uchun yer olissh mumkun


Azizbek2019-05-18 22:48:01

Men tadbirkorlik qilish maqsadida menga uzim yashab turgan uyim atroflaridan 1- gektar yer kerak men prezdentimiz qarorlariga asosan. Yerda tomarqa ekinlarni rivojlantirib va uni ekspirtga yo'lan tiradigan maxsulot yetish tirmoq chiman. Yani kartoshka ; piyoz.karam sabzi ekib olmoqchiman. Buning uchun qayerga murojat qilsam buladi.


ruslan 2019-04-07 13:56:07

Uzi tanlagan bosh erni auksyonga qanday quyishi nima xujatlar kerakligi togrisida yozinglar


Вахобжон2019-03-08 11:41:24

Менга тадбиркорлик Билан шугулланиш учун шахар говжум жойлари,бозор отрофларидан файдалинмаетган ер майдонларидан ер ажратиб беришингизни сурайман укув куроллари ва китоблар сотиш учун


Тошонов Яздон Каттақўрғон туман Кенгаши раисининг биринчи ўринбосари аппарат раҳбари2019-01-31 11:37:18

Ушбу эксперимент жорий этилиши албатта яхши натижалар беради ва келгусида барча худудудларда қўлланилади.


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+