Тадбиркорларга тўсиқ бўлманг
16.03.2018, 18:05
O‘zLiDeP Самарқанд вилоят Кенгаши “Аёллар қаноти” томонидан шу номда ташкил этилган тадбир Президентимизнинг 2018 йил 2 февралдаги “Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятини тубдан такомиллаштириш чора-тадбирлари тўғрисида”ги фармони ижросига бағишланди.
Тадбирда партия томонидан вилоятда кичик бизнес ва хусусий тадбиркорликни жадал ривожлантиришга тўсқинлик қилаётган муаммоли масалаларни аниқлаш, кичик безнес субъектларининг фаолият кўрсатмаслик ёки тугатилганлик сабабини ўрганиш, уларга амалий ёрдам кўрсатиш, муаммоларни жойида ва ўз вақтида ҳал этиш лозимлиги таъкидланди.
–Хотин-қизларни иш билан таъминлаш, меҳнат шароитини яхшилаш, тадбиркорликка қизиқиши баланд бўлган аёлларни қўллаб-қувватлаш олдимизда турган устувор вазифалардан саналади, – дейди O‘zLiDeP Cамарқанд вилоят Кенгаши Аёллар билан ишлаш бўлим мудири М.Чулиева. – Шу боис, опа-сингилларимизнинг касбий, маънавий ва интеллектуал ўсишига кўмаклашиш, улар билан якка тартибда ҳамда аниқ мақсадга йўналтирилган ишларни олиб бориш, манзилли қўллаб-қувватлашга қаратилган амалий ишлар кўламини янада кенгайтиришга жиддий бел боғлаганмиз.
Тадбирда хотин-қизларни тадбиркорлик фаолиятига жалб этиш, бу борадаги иқтисодий ва ҳуқуқий билимини ошириш, учраётган муаммо ва тўсиқларни бартараф этишга қаратилган изчил саъй-ҳаракатларни янада кучайтиришга келишиб олинди.
O‘zLiDeP Самарқанд вилоят Кенгаши
матбуот хизмати
O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!
Фикрингизни қолдиринг
Ўхшаш янгиликлар
-
Ишбилармон аёллар сараланмоқда
21.04.2024, 13:38
-
O‘zLiDeP “Аёллар қаноти” лойиҳалари орқали ишсиз хотин-қизлар тадбиркор бўляпти
09.04.2024, 19:51
-
Қоратепалик Матлуба опа томорқасидан ҳар йили 30 миллион сўм даромад қилмоқда
09.04.2024, 19:43
-
Хотин-қизларнинг иқтисодий, ижтимоий ва сиёсий фаоллигини оширишга эътибор янада кучайган
31.03.2024, 10:50
-
Маҳалладаги хотин-қизларнинг муаммо ва таклифлари ўрганилди
01.03.2024, 22:00
Билдирилган фикрлар
Мархабо2018-04-21 20:18:54
Ассалому алейкум, азиз опа сингиллар.., -айтингчи мен кандай килиб срочно, -O‘zLiDeP Cамарқанд вилоят Кенгаши Аёллар билан ишлаш бўлим мудири М.Чулиева ва бир неча бошка хаётни оку-корасини, иссик -совугини аччик -чучукини тотган фаол опа сингиллар билан учрашсам булади..., - масъала ута жиддий...?! олдиндан рахмат, хурмат ва эхтиром ила Мархабо..?!