Депутат кўмаги билан Чандирда малакали врач иш бошлади
24.03.2018, 18:51
Маълумки, ҳар бир мурожаат ортида инсон, унинг тақдири, дарду ташвиши мужассам. Бугунги кунда аҳоли томонидан йўлланаётган ҳар бир мурожаат ортида одамларни ўйлантириб келаётган муаммоларни енгиллатиш ва ҳал этиш ётади. Уларни беэътибор қолдирмаслик, ҳар бирига ўз вақтида асосли жавоб бериш давр талабига айланди.
Шу маънода, Миришкор туманининг 14 минг нафардан ортиқ аҳоли истиқомат қиладиган Чандир қишлоғи фуқаролари йиғинидаги участка шифохонасида олий маълумотли гинеколог ва тиш шифокори мутахассисларининг йўқлиги юзасидан O‘zLiDeP вилоят Кенгаши томонидан ташкил этилган сайёр учрашувда депутатларга мурожаат қилган эдилар.
Мазкур мурожаат юзасидан халқ депутатлари туман Кенгашидаги O‘zLiDeP депутатлик гуруҳи аъзоси Саъдулла Шарапов Миришкор туман тиббиёт бирлашмаси бош врачи И.Т.Шароповга депутатлик сўровини юборган эди. Унга жавобан тиббиёт бирлашмаси раҳбари ушбу масалани ижобий ҳал этишга ваъда берди.
Бугунги кунда Чандир қишлоғидаги қишлоқ участка шифохонасида олий маълумотли тиш шифокори Ғуломжон Хўжамуродов ўз фаолиятини бошлаган бўлса, тез орада олий маълумотли акушер-гинеколог билан ҳам таъминлаш чоралари кўрилаётганлиги маълум қилинди.
Албатта, бугунги давр маҳаллий Кенгашлардаги партия депутатлик гуруҳи аъзоларининг ҳам ўз фаолиятини замон билан ҳамнафас ҳолда олиб бориши ва халқимиз турмушида юзага келаётган муаммоларни ўрганишда фаоллик, фидойилик ҳамда ташаббускорлик кўрсатилишини талаб этмоқда. Зеро, бу орқали партиямизнинг аҳоли ва кенг жамоатчилик орасида мавқеининг янада ошишига эришамиз.
O‘zLiDeP Қашқадарё вилоят Кенгаши
O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!
Ўхшаш янгиликлар
-
Қўрғонтепада қишлоқ хўжалигига мўлжалланган ерлардан самарали фойдаланиш ҳолати таҳлил қилинди
26.01.2024, 16:22
-
Депутат кўмагида аҳоли хонадонларига ичимлик суви етиб бормоқда
26.01.2024, 11:59
-
Депутатлик эшитуви танқидий-таҳлилий руҳда ўтди
26.01.2024, 11:57
-
Бошқарма бошлиғининг ҳисоботи эшитилди
25.01.2024, 15:32
-
Зоминлик депутатлар туман электр тармоқлари корхонаси раҳбарининг ҳисоботини эшитдилар
23.01.2024, 15:15
Фикрингизни қолдиринг