Коллеж ўқувчиси ўқув-семинар якунида эркаклар кийимини ишлаб чиқаришга қарор қилди
26.03.2018, 18:12
O‘zLiDeP Наманган вилоят ва Норин туман Кенгаши ҳамкорлигида “Ёшларда тадбиркорлик кўникмаларини шакллантириш” мавзусида ўқув семинар ўтказилди.
Семинарда партия вилоят Кенгаши, туман Давлат хизматлари маркази, туман солиқ инспекцияси ходимлари томонидан бизнесни юритиш йўл-йўриқлари, тадбиркор сифатида рўйхатдан ўтиш, солиқ қонунчилиги ва имтиёзлари ҳамда кредитлар ва уларнинг фоизлари тўғрисида батафсил маълумот берилди.
– Бугунги ўқув семинарда ўз бизнесини бошламоқчи бўлган ёшларга тадбиркорлик фаолиятига оид қонун хужжатлари, тадбиркорлик фаолиятини амалга ошириш йўналишлари, солиқлардан белгиланган имтиёзлар бўйича батафсил маълумотлар берилди, – дейди Норин қишлоқ хўжалик касб-хунар коллежи ўқувчиси Яҳёбек Рустамжанов. – Энди тадбирда олган билим ва кўникмаларимга таяниб, эркаклар устки кийимларини ишлаб чиқариш йўналишида ўз тадбиркорлик фаолиятимни бошлаб, юртимиз иқтисодиётига муносиб ҳиссамни қўшаман.
Тадбирда ёшлар тадбиркорлигини қўллаб-қувватлаш, тадбиркорлик фаолиятини бошлаш истагида юрган ёшларга зарур шароитлар яратиш бўйича вазифалар белгилаб олинди.
Иброҳим САТТАРОВ,
O‘zLiDeP Наманган вилоят Кенгаши
бўлим мудири
O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!
Ўхшаш янгиликлар
-
Ёшларнинг бизнесга қизиқиши янада ортмоқда
24.04.2024, 17:07
-
Талаба-ёшларнинг партия лойиҳаларига қизиқиши ортмоқда
09.04.2024, 19:17
-
Нукуслик ёшларнинг молиявий саводхонлиги оширилди
31.03.2024, 09:59
-
Ёшларнинг молиявий саводхонлиги оширилди
16.03.2024, 14:43
-
Депутат талабаларнинг таълим ва иш билан бандлик йўналишидаги муаммолари билан қизиқди
07.03.2024, 10:48
Фикрингизни қолдиринг