O‘zLiDeP Жиззах вилояти Кенгаши “Аёллар қаноти” томонидан  Мирзачўл туманидаги марказий поликлиникада “Соғлом оила – мустаҳкам оила“ лойиҳаси доирасида “Хотин-қизлар ўртасида тиббий маданиятни юксалтириш омиллари” мавзусида учрашув ва тиббий кўрик ташкил этилди.  

Тиббий кўрикда тумандаги малакали онкогинеколог, болалар шифокори ва терапевтлар иштирок этди.

– Бугунги кўрик саломатлигимни аниқлаш билан бир қаторда, биз каби  нуроний онахонларнинг кўнглимизни ҳам кўтарди, – дейди “Мустақиллик” МФЙ да яшовчи 63 ёшли онахон Санобар Очилова. – Тиббий кўрикда шифокорлар томонидан қон босимим юқори экани аниқланиб, вилоят касалхонасига бепул йўлланма берилди.

Таъкидлаш жоиз, кун давомида бўлиб ўтган тиббий кўрик давомида 5 нафар беморга бепул дори-дармон ва даволаниш учун йўлланма берилди.       

Саида УМАРАЛИЕВА,

    O’zLiDeP Жиззах вилояти

                                                                                   матбуот хизмати котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!