Халқ депутатлари Боёвут туман Кенгашига O‘zLiDePдан сайланган депутат  Манзура Дадаевани ҳар доим сайловчилар орасида учратиш мумкин. Халқ дарди ва ташвишлари билан яшаш депутатимизнинг кундалик турмуш тарзига айланган. Мақоламизда депутатимиз ташаббуси билан амалга оширилган яна бир хайр иш хусусида сўз юритамиз.

Боёвут туманидаги “Ижодкор” маҳалласида яшовчи фуқаролар анчадан бери газ қувурлари таъмирлашни сўраб ўнлаб идоралар эшигида “сарғайди”. Охири бу масала юзасидан М. Дадаевага мурожаат қилишди. Депутатимиз мазкур масала юзасидан Сирдарё вилояти газ таъминоти бошқармасига депутатлик сўрови билан мурожаат этди.

Депутат сўрови натижасида янги газ қувурларини ўрнатиш ишлари эртаси куниёқ бошлаб юборилди ва 2.5 км узунликда газ қувури тортилди. Газ қувурининг 1.1 километри устунларга ўрнатилиб, қолган 1.4 километри ерга устунларсиз ўрнатилди. Қурилиш ишлари депутат томонидан назоратга олинди.

Даврон КАРИМҚУЛОВ,

O‘zLiDeP Сирдарё вилоят Кенгаши

матбуот хизмати

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!