Марҳамат тумани Ғ.Ғулом маҳалласида яшовчи Муқаддамхон Холбоева 2 сотихли томорқасидан яхши даромад олмаётган эди. Куни-кеча М.Холбоевага O‘zLiDeP туман Кенгаши томонидан 200 туп помидор, 60 туп булғор қалампири, 40 туп карам, 10 туп бақлажон ва 6 туп қалампир кўчатлари олиб берди.

–Очиғи, хонадонимизга партия фаоллариннг ташрифидан қувондик, – дейди у. – Бошланғич партия ташкилоти менга томорқамда унумли фойдаланишни ўргатяпти. Партия ходимлари кўчатларни парваришлашда ҳам менинг энг яқин маслаҳатчимга айланишган.

Таъкидлаш керак, “O‘zLiDeP ўз томорқасида фаолият бошлаганларга кўмакдош” лойиҳаси доирасида амалга оширилган бундай саъй-ҳаракат доирасида Ғ.Ғулом маҳалласидаги йигирмага яқин хонадон эгаларига полиз ваа мева-сабзавот ниҳоллари тарқатилди.

O‘zLiDeP Булоқбоши туман Кенгаши ҳам аҳолини томарқасидан унумли фойдаланишга яқиндан кўмаклашиб келаётир. Ана шу кўмак натижасида булоқбошилик Усмонали Тиллаев 1 сотих майдонда иссиқхона ташкил этди. Иссиқхонада экилган помидор кўчатлари аллақчон ҳосилга кирган.

– Партия кўмагида 3 сотих ерда саримсоқ-пиёз етиштиришни йўлга қўйганмиз, – дейди Абдумажид Холдаров. – Ҳар йили 2-3 миллион даромад оламан. Шу боис томарқамнинг қолган 3 сотихида ҳам иссиқхона ташкил қилмоқчиман.

                                                                           Аброр ХОНТЎРАЕВ,

O‘zLiDeP Андижон вилоят Кенгаши

БПТ билан ишлаш гуруҳи раҳбари

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!