Президентимиз Шавкат Мирзиёевнинг “Обод қишлоқ” дастури тўғрисида”ги Фармони ҳамда “Обод қишлоқ” дастурини 2018 йилда амалга ошириш бўйича қўшимча чора-тадбирлар тўғрисида”ги қарори олис қишлоқ ва маҳаллалар қиёфасини замонавийлаштириш, қишлоқ аҳли турмуш тарзини янада яхшилашга қаратилган.

Шу боис бу эзгу ташаббус юртимизнинг барча ҳудудларида кенг қулоч ёймоқда. Шароити ўта оғир қишлоқлар танланиб, намуна сифатида обод ва файзли масканга айлантирилмоқда. Эътиборлиси, бундай хайрли ишларда нафақат давлат идоралари, балки жамоат ташкилотлари ҳам фаол қатнашаяпти.

Яқинда O‘zLiDeP Қашқадарё вилоят Кенгаши ходимлари ва “Ёш либераллар” клуби аъзолари, депутатлар ва партия фаоллари Дастур доирасида вилоятнинг чекка ҳудудларидан бири Чироқчи туманидаги Чиял қишлоғида бўлиб, ҳудудни ободонлаштириш ва кўкаламзорлаштириш ишларида  фаол иштирок этишди.

 – Давлатимиз раҳбари томонидан бошлаб берилган бу хайрли ташаббус вилоятнинг барча туманларида жадаллик билан олиб борилмоқда, – дейди  O‘zLiDeP Қашқадарё вилоят Кенгаши аппарат раҳбари О. Шеров. –  Шу боис бу гал Чироқчи туман Чиял қишлоғида бўлиб, 15 га яқин кам таъминланган оилалар, ногирон ва кексаларнинг ҳолидан хабар олиб, уларга озиқ-овқат маҳсулотлари ва керакли дори-дармон воситаларини тарқатдик. Шунингдек, туман тиббиёт муассасаларининг етакчи шифокорлари томонидан 70га яқин аҳоли чуқурлаштирилган тиббий кўрикдан ўтказилди. Касаллиги аниқланган беморларга даволаниш учун йўлланмалар берилди.

Партия ҳузуридаги “Ёш либераллар” клуби фаоллари қишлоқдаги кам таъминланган, ижтимоий ёрдамга муҳтож оилаларнинг уй-жойларини ободонлаштириш ва таъмирлаш ишларига кўмаклашдилар.

O‘zLiDeP  Қашқадарё вилоят

Кенгаши матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!