O‘zLiDeP Элликқалъа туман Кенгаши томонидан “Гулистон” ОФЙдаги “Ойқала” ҚВПда “Соғлом оила – мустаҳкам оила” лойиҳаси доирасида “Хотин-қизларнинг саломатлигини мустаҳкамлаш – O‘zLiDeP эътиборида” мавзуида давра суҳбати ташкил этилди.

Тадбирда хотин-қизларнинг жамиятдаги мавқеини ошириш, оилада соғлом муҳитни шакллантириш, туғиш ёшидаги ва ҳомиладор аёлларни мунтазам тиббий кўрикдан ўтказиш, она ва бола саломатлигини мустаҳкамлаш, эрта ва қариндошлар ўртасидаги  никоҳнинг олдини олиш борасида партия томонидан ҳаётга татбиқ этилаётган лойиҳалар ҳақида сўз юритилди.

– Тиббий муассасамиз аҳолига сифатли хизмат кўрсатиш учун барча тиббий асбоб-ускуналар билан таъминланган, – дейди “Ойқала” ҚВП шифокори М.Юсупова. – Бугунги тадбир давомида ҳам малакали мутахассислар томонидан 37 нафар хотин-қиз бепул тиббий кўрикдан ўтказилиб, уларнинг 19 нафарида касаллик борлиги аниқланди. Жумладан, 6 нафарида буйрак, 3 нафарида ўт қопи, 7 нафарида жинсий, 2 нафарида эса лор соҳасида касаллик борлиги аниқланди. Шу билан бирга, 2004 йилда туғилган Б.Қурбанбаевнинг кўричак касаллиги борлиги аниқланиб, шаҳар касалхонасига ётиш учун йўлланма берилди.

Таъкидлаш керак, тиббий кўрик давомида аниқланган касалликлар бўйича 19 нафар хотин-қизга бепул даволаниш учун шаҳар касалхонасига йўлланма берилди.           

Асем СИРИМБЕТОВА,

O‘zLiDeP Қорақалпоғистон

Республикаси Кенгаши ходими

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!