O‘zLiDeP Сурхондарё вилоят Кенгаши томонидан Сариосиё туманида “Халқ давлат идораларига эмас, балки давлат идоралари халқимизга хизмат килиши керак” деган езгу тамоил асосида сайёр қабул ташкил этилди.

Сайёр қабул давомида аҳолидан электр энергия, тоза ичимлик суви олиб келиш, хонадонларга газ балони ажратиш, иссиқхона ташкил этиш, комунал тўлов ва бошқа масалалар бўйича мурожатлар келиб тушди.  

Хусусан, “С.Шерозий” маҳалласи “М.Қошғарий” кўчасида яшовчи Жаббор Бобоназаров уйи ёнида ўрнатилган элетр сим ёғочи яроқсиз ҳолатга келиб колгани сабабли аҳоли электр энергиядан тўлиқ фойдаланмаётганини  айтиб, сим ёғочни алмаштириб беришда ёрдам сўради. Унинг мурожати туман электр тармоклари бош инженери М.Кўчаров томонидан ўрганилди ва шу ернинг ўзида ҳал этилди.  

Шу маҳалланинг “Баркамол Авлод” кўчасида яшовчи Гулмурод Маликзода ичимлик сувининг бир кунда 2 соат берилаётганлиги сабабли кўча охиридаги хонадонларга сув етиб келмаётганидан шикоят қилди. Унинг мурожаатини Халқ депутатлари туман Кенгаши депутати Зулайҳо Жаббарова ўз зиммасига олиб, туман Сув оқава унитар корхонасига депутатлик сўрови юбориш орқали ҳал қилиб беришга ваъда берди.

Шунингдек, учрашувлар давомида ҳудудда яшовчи Боҳодир Зоировнинг муаммосига ҳам ечим топилди. Фуқаро туман газ корхонаси томонидан 356,000 минг сўм ортиқча карздорлик белгилаб қўйилганидан шикоят қилди. Мазкур муаммо С.Киёмиддинов томонидан ўрганилди ва шу ернинг ўзида ҳал этилди.

Умуман, сайёр қабул давомида 40 га яқин масала ва муаммолар муҳокама қилиниб, уларнинг аксарияти қонунчилик талаблари асосида ҳал этилди. Қолган масалалар ижроси назоратга олинди. 

Зиёда ҚОДИРОВА,

O‘zLiDeP  Сурхондарё  вилоят

Кенгаши  ходими

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!