O‘zLiDeP Самарқанд вилоят Кенгаши ҳамда вилоят прокуратураси ҳамкорлигида “Қишлоқ ҳўжалиги, озиқ-овқат хавфсизлиги ва сув истеъмоли соҳасидаги тизимли назорат масалалари” мавзусида давра суҳбати ташкил этилди.

Тадбирда асосий эътибор Ўзбекистон Республикаси Президентининг жорий йил 7 майда қабул қилинган “Ўзбекистон Республикаси Бош прокуратураси ҳузуридаги Агросаноат мажмуи ва озиқ-овқат хавфсизлиги таъминланиши устидан назорат қилиш инспекцияси фаолиятини ташкил этиш чора-тадбирлари тўғрисида”ги қарори мазмун-моҳияти ҳамда унда белгилаб берилган устувор вазифаларга қаратилди.

- Озиқ-овқат хавфсизлигини таъминлаш Президентимизнинг доимий назоратида турган вазифалардан бири бўлиб, бу борада қатор Фармон ва қарорлар қабул қилинди, - дейди Самарқанд шаҳар Адлия бўлими бошлиғи Пўлат Ахмедов. - Мазкур меъёрий хужжатларнинг узвий давоми сифатида Ўзбекистон Республикаси Бош прокуратураси ҳузуридаги Агросаноат мажмуи ва озиқ-овқат хавфсизлиги таъминланиши устидан назорат қилиш инспекцияси фаолиятининг ташкил этишилиши  соҳада тўпланиб қолган қатор муаммоларни  бартараф этишда дастуриламал бўлиб хизмат қилади.

Давра суҳбатида ушбу қарорнинг мазмун-моҳиятини аҳоли ўртасида тарғиботини кучайтириш, унинг ижросини таъминлаш юзасидан амалга оирилаётган ишларни назорат қилиш партия олдидаги муҳим вазифалардан бири эканлиги алоҳида таъкидлаб ўтилди.         

- Мазкур қарор билан Бош прокуратура ҳузурида инспекциянинг ташкил этилиши биз фермерларни янада қувонтириб юборди, - дейди Булунғур туманидаги “Шоҳжаҳон” фермер хўжалиги раҳбари Дилбар Жалилова. - Мазкур ҳужжатга мувофиқ, эндиликда Инспекция дон экинлари, пахта ва бошқа қишлоқ хўжалиги экинлари уруғлари, шунингдек, улардан қайта ишланган маҳсулотлар давлат ресурсларининг сифати, улардан оқилона ҳамда мақсадли фойдаланилиш, ерлардан оқилона фойдаланиш ва уларни муҳофаза қилиш, қишлоқ хўжалиги, мелиорация ва йўл-қурилиш техникаларининг, уларнинг эксплуатация қилиниши, сифати самарадорлигини назорат қилади. Ўйлайманки, янги инспекциянинг ташкил этилиши биз тадбиркор ва фермерларнинг олдидаги қатор муаммоларини батараф этишга хизмат қилади.

Бахтигул ҚАРШИЕВА,

O‘zLiDeP Самарқанд вилоят Кенгаши

 матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!