Марҳамат туманида яшовчи Матлубахон Собирова кўпдан бери Полвонтош шаҳарчасида ўқув маркази ташкил этиш ниятида юрибди. Чунки фуқаро ҳудуд ёшлариннг мана шу масалада оқсаётганидан хабардор. Марказ ташкил қилиш учун маблағ ҳам, ҳужжатлар ҳам тайёр, фақат фаолиятни йўлга қўйишда мададкор, суянч керак.

O‘zLiDeP туман кенгаши томонидан “Марҳамат” қишлоқ ва сув хўжалиги касб-ҳунар коллежида ташкил этилган сайёр қабулда туман Давлат хизматлари агентлиги маркази фуқарога ёрдам қўлини чўзди.

Шунингдек, сайёр қабул давомида “Кончилар” маҳалласи аҳли айрим фуқаролар ўз томорқаларини тоза ичимлик суви билан суғораётгани сабабли ҳудуднинг баъзи хонадонлари ичимлик суви танқислигидан азият чекаётганини айтди. Мазкур муаммо туман “Сувоқава” корхонаси  раҳбари томонидан атрофлича ўрганилиб, шу ернинг ўзида ижобий  ҳал этилди.

–Бундан ташқари, Марҳамат-Андижон йўналишидаги айрим йўловчи машиналар йўл ҳақларини асоссиз равишда ошириб олаётганликлари бўйича аҳоли вакиллари томонидан қилинган мурожаат бўйича ўрганишлар олиб бордик, – дейди халқ депутатлари Марҳамат туман кенгаши депутати Хафизахон Мамаризаева. – Айни чоғда  фуқароларга енгиллик яратиш мақсадида уларнинг талаб ва истакларини ҳисобга олган ҳолда мазкур йўналишда яна иккита автобус қатновини йўлга қўйиш ишлари олиб бориляпти.  

Шунингдек, сайёр қабул давомида аҳоли вакилларининг имтиёзли кредит олиш, эҳтиёжманд оилалар учун ажратилаётган уй-жойлар рўйхатига киритиш каби масалаларда қилган мурожаатлари атрофлича ўрганилди.

 Олимжон ТАЛИПОВ,

O‘zLiDeP Андижон вилоят Кенгаши

бўлим мудири

O‘zLiDePнинг Facebook ҳамда Instagram'даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!