Олий Мажлис Қонунчилик палатаси депутати Р.Кушербаев халқ билан яқиндан мулоқот қилиш, уларни ўйлантириб келаётган муаммоларни ҳал этиш мақсадида Зангиота туманидаги “Ўртаовул” ва “Бўзсув” маҳаллалари аҳолиси билан учрашди.

Юзма-юз мулоқот давомида ҳудуд аҳолиси томонидан кўплаб мурожаатлар келиб тушди.

Масалан, “Олмазор” МФЙда яшовчи М.Риҳсибоева тумандаги имтиёзли уй-жойлардан бирини олишда, М.Инагамов эса Муқумий 1, Муқумий 2 кўчаларини таъмирлаш ҳамда 4-автобус корхонасига қарашли 84-йўналишли автобусни “Обод турмуш” МФЙ худудигача боришида амалий ёрдам сўради. Парламент вакили ҳар икки масала юзасидан тегишли ташкилотларга депутатлик сўрови юбориш орқали муаммони ҳал этиб беришини маълум қилди.  

“Катта Чинор” МФЙда яшовчи Д.Ибрагимова маҳалладаги мавжуд канализация умуман ишламаслиги, юқори кучланишли электр симлари аҳоли ҳаракатланадиган йўлларда осилиб ётгани, кўчалар таъмирталаб аҳволда эканидан шикоят қилди. Халқнинг ишончли вакили бу муаммоларни  жойига чиқиб ўрганди ва депутатлик сўрови орқали бартараф этишга ваъда берди.

– Юзма-юз мулоқотлар давомида фуқаролар томонидан турли соҳалар бўйича мурожаатлар бўлди, – дейди Олий Мажлис Қонунчилик палатаси депутати Р.Кушербаев. – Албатта, мурожаатларнинг аксариятини шу ернинг ўзида ҳал этишга ҳаракат қилдик. Лекин аксар муаммоларни назоратга олдик.  Энди тегишли ташкилотларга депутатлик сўрови юбориш орқали уларнинг ечимини топишга киришамиз. Аслида учрашувдан мақсад ҳам одамларни ташвишга солаётган муаммоларни ўрганиш, ечиш, одамларни ҳаётдан рози қилишдан иборат эди ва бунга оз бўлсада эришдик, деб ҳисоблайман.   

Учрашувда ҳудуд аҳолиси томонидан келиб тушган муаммолар ечими юзасидан тегишли ташкилотларга депутатлик сўрови юборилди.

 А.ТУЙЧИЕВ,

 Тошкент вилояти Кенгаши

матбуот хизмати котиби

O‘zLiDePнинг Facebook ҳамда Instagram'даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!