Халқ депутатлари Зомин туман кенгашидаги O‘zLiDeP депутатлик гуруҳининг навбатдаги йиғилиши бўлиб ўтди. Йиғилишда депутатлар туман Йўл қурилиш пудрат корхонаси раҳбари ўринбосари Нодира Хўжамқулованинг ҳисоботини эшитди.

Ҳисоботда таъкидланганидек, 2017 йилда 405 км умум фойдаланувдаги йўлларни сақлаш, “Даштобод-Зомин-Бахмал-Ғаллаорол”, “Даштобод-Сохибкор-Сават” ҳамда “Даштобод-Зомин-Бахмал-Ғаллаорол” автомобил йўлларини таъмирлаш учун қарийб 20 миллиард сўм сарфланган. Бундан ташқари, 12 156 839 480 сўм эвазига А-376 ”Қўқон-Жиззах” автомобил йўлида 8км қоплама ҳамда 3 476 921 191 сўмга ички хўжалик йўллари ва массив йўллар таъмирланди.

Йиғилишда шунингдек, кун тартибидаги иккинчи масала юзасидан Зомин туман Молия бўлими мудири ўринбосари Анвар Дўстназаровнинг ҳисоботи эшитилди.

–Туманда 1-чорак учун ҳаражатлар режаси 25034.5млн. сўм деб белгиланган бўлса, даромадлар режаси учун 3896.4млн. сўм, тансфер миқдори учун эса 20573.1млн сўм тасдиқланган эди, – дейди А.Дўстназаров. – Маҳаллий бюджетларнинг даромад базасини мустаҳкамлаш мақсадида 12 турдаги солиқ тушумлари фоиз кўринишида туман маҳаллий бюджетида сақланиши белгиланган. Шунга кўра, туман маҳаллий бюджетида сақланадиган даромад қисми, 2018 йил 1-чорак учун солиқ ва тўловлар режаси 4475.1млн.сўм га бажарилиб, режага нисбатан 114.9 фоизга зиёд бажарилди. Бу эса бажарилган ишлар туман бюджетининг даромад базасини мустаҳкамлашга хизмат қилади.

Йиғилишда O‘zLiDeP депутатлик гуруҳи томонидан халқаро ва маҳаллий аҳамиятдаги йўлларни сифатли сақланиши ва таъмирлаш ишларини ўз вақтида амалга оширишга жиддий эътибор қаратиш лозимлиги таъкидланди.

Саида УМАРАЛИЕВА,

O‘zLiDeP Жиззах  вилоят Кенгаши

матбуот хизмати котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!