Аграр соҳадаги ҳамкорлик истиқболлари

24.05.2018, 12:25

Аграр соҳадаги ҳамкорлик истиқболлари

Президентимиз Шавкат Мирзиёевнинг АҚШга расмий ташрифи икки давлат ўртасидаги стратегик шерикликнинг янги даврини бошлаб берувчи тарихий воқеа бўлди. Бу борада истиқболли йўналишлардан бири аграр соҳа ривожи йўлидаги ўзбек-америка ҳамкорлигидир.

Алоҳида таъкидлаш жоизки, АҚШ иқтисодиётида қишлоқ хўжалиги муҳим тармоқлардан бўлиб, ривож­ланган агросаноат тизимига эга. Унинг ташкилий тузилмаси уч соҳадан таркиб топган. Биринчи соҳа қишлоқ хўжалиги учун ишлаб чиқариш воситалари етказиб беради ва моддий-техник хизмат кўрсатишни ўз зиммасига олади. Иккинчи соҳага қиш­лоқ хўжалик ишлаб чиқаришининг ўзи киради. Учинчи соҳа эса қишлоқ хўжалик маҳсулотларини истеъмолчига етказиб бериш билан боғлиқ жараён, яъни маҳсулотларни қайта ишлаш, сақлаш ва сотиш масалаларини қамраб олади.

АҚШда давлатнинг қишлоқ хўжалигига таъсири озиқ-овқат маҳсулотларига талабни шакллантириш, ички аграр бозорнинг жаҳон бозори билан мустаҳкам алоқасини таъминлаш зарурати, шунингдек, кўп миқдордаги ўрта ва кичик товар ишлаб чиқарувчиларнинг мавжудлиги билан изоҳланади. Тармоқ инфраструктурасини ривожлантириб бориш, фермерларга мунтазам кредит хизматини кўрсатиш, уларни ўқитиш ишлари ва илмий тадқиқотлар натижаларини амалиётга тадбиқ қилишни ташкил қилиш, атроф табиий муҳитнинг ҳолати бўйича назоратни амалга ошириш, озиқ-овқат маҳсулотлари экспорти ва импортини тартибга солиш мамлакат аграр сиёсатининг асосий йўналишларидир.

Жаҳон аграр фанида ҳам АҚШ асосий ўринни эгаллайди. Бугунги кунда қишлоқ хўжалиги амалиёти ривожи учун ўта долзарб бўлган ер ва сув ресурсларидан унумли фойдаланиш, тежамкор инновацион  технологияларни фермер хўжаликларига кенг татбиқ қилиш бўйича дунё миқёсида етакчиликка эришган мамлакатлар сирасига киради.

Кўриниб турибдики, бу борада икки мамлакат ўртасида олиб бориладиган ҳамкорликнинг имкониятлари жуда кенг бўлиб, уни ривожлантириш Ўзбекистон Либерал-демократик партияси платформасида илгари сурилган мақсад ва вазифалар билан ҳам ҳамоҳангдир. Ушбу имкониятлардан юртимиз аграр сектори ривожида оқилона фойдаланиш партиямиз фаоллари, шу жумладан, аграр соҳада фаолият юритиб келаётган барча мутахассисларимиз, айниқса, фермерларимиз учун ўзбек-америка ҳамкорлиги доирасида кўплаб лойиҳаларни амалга ошириш учун мустаҳкам асос бўлиб хизмат қилади.

Дилором Файзиева,

Олий Мажлис Қонунчилик палатасидаги

O‘zLiDeP фракцияси аъзоси

O‘zLiDePнинг Facebook ва Instagramдаги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    1433
  • Чоп этиш
  • Дўстлар билан улашиш
← Орқага қайтиш

Билдирилган фикрлар

Миробод2018-05-25 17:21:51

Олиб борилаётган ислоҳотлар юрт равнақи халқ фаравонлиги учун хизмат қилмоқда


O'zLiDeP Zarafshon shahar bo'limi deputati Kochkanov Shavkat Abdujapparovich.2018-05-25 16:06:32

Prezidentimizning AQSHga rasmiy tashrifi va agrar soha rivoji yo'lidagi o'zbek-amerika hamkorligi qishloq xo'jaligi sohasini yanada yuksalishiga katta turtki bo'lishiga, bunday hamkorlik va dostlik aloqalari yurtimizdagi agrar soha vakillariga turli innovatsion loyihalarni amalga oshirishda katta imkoniyatlar uchun mustahkam asos bo'lishiga ishonamiz.


Ахмат Некбаев. Тадбиркор. 2018-05-25 14:33:53

Авваллари чет элга борсак улардаги плантация, фазендаларни кўриб хавас қилар эдик. Ҳозирда ҳар қандай сайёҳ, чет эллик сармоядор Бизга ҳавас қилаяпти. Президентимизнинг АҚШга қилган сафарларидан кейин бизда қишлоқ хўжалигини юритишнинг янада янгича механизмлари яратилади, экологияни назорат қилиш имкониятларимиз янада кенгаяди. Хорижий давлатларда бизнинг махсулотларга бўлган талаб янада ошади ва Экспорт ҳажми кенгаяди. Чунки, АҚШ дунёда аграр соҳа ривожланишида, озиқ-овқат экспорти ва аграр тизимга кредит бериш ва бошқа кўплаб йўналишларда илгари ўринда туради. Имзоланган Шартномалар ўзининг ижобий натижасини беришига ишонамиз.


Тошкент ш ЁШЛИК Т.Ш .Кенгаши аъзоси2018-05-24 22:50:25

Давлатимизда улкан узгаришларни куришимиз мумкин.Айникса Америка Кушма Штатига Президентиииз Шавкат Миромонович Мирзиёевнинг ташрифи дунё микёсида катта ахамиятга эга вокеа булди.Икки давлат ўртасидаги стратегик шерикликнинг истиқболли йўналишлардан бири аграр соҳа ривожи йўлидаги ўзбек-америка ҳамкорлигини амалга оширилиши ахамиятга эга чора тадбир булди


Тошкент ш ЁШЛИК Т.Ш .Кенгаши Тадбиркорлар муаммосини урганиш грухи аъзоси Акромов А.2018-05-24 21:43:21

Биз тадбиркорларга олиб борилаётган ислохатлар хар тамонлама кулайликларни яратиб бермокда Президентимиз Шавкат Мирзиёевнинг АҚШга расмий ташрифи икки давлат ўртасидаги стратегик шерикликнинг истиқболли йўналишларидан биридир аграр сектори ривожида оқилона фойдаланиш аграр соҳада фаолият юритиш тадбиркорлар учун хам катта шароитлар яратмокда


Тошкент ш ЁШЛИК Т.Ш Кенгаши Ёш либераллар клуби аъзоси2018-05-24 20:59:42

АКШ ва Узбекистон уртасидаги хамкорлик Аграр хужалигида тубдан узгаришларни олиб келади.Бундай хамкорлик Жахон бозорига чикишда анча кулайликларни келтириб чикаради .Биз икки давлат хамкорлигини жуда мамнуният билан карши олдик


Тошкент ш ЁШЛИК Т.Ш .Кенгаши аъзоси Абдулкосимова З.2018-05-24 20:53:53

Биз хар кандай музокараларга очиклик билан карашимизни давлатимиз Президенти курсатиб берди.АКШдавлати билан утказилган музокаралар бунинг исботидир.Эндиликда аграр хужаликларига янги технология асосида ёндошиш ,фермерлар учун анча кулайликларни олиб келади.


Тошкент ш ЁШЛИК Т.Ш .Кенгаши Аёллар каноти аъзоси Усмонова Зиёдахон2018-05-24 20:48:32

Икки давлат уртасидаги шартномаларни тузилиши аграр хужаликда хам сезиларли натижа беришни таъминлайди .Бу эса бизнинг фермерларимиз ракобатбардош махсулотларни етказиб беришда уларни жахон бозорида экспорт килишларига кенг йул очиб беради


Тошкент ш ЁШЛИК Т.Ш .Кенгаши аъзоси Шухратов Ф2018-05-24 20:44:05

Халкимиз орасида катта мавзуга сабаб булган Президентимизнинг АКШ давлатидаги ташрифи кутилган катта натижаларни берди .Айникса стротегик шерикликни йулга куйилиши икки давлат уртасидаги алокаларни яхшиланишига олиб келади.


Яккасарой туман Кенгаши М.Акромов2018-05-24 17:35:46

АҚШ билан стратегик шериклик юқори технологияларни қишлоқ хужалигида жалб қилиш учун зарур.


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+