Илмга чанқоқлик, янгиликка интилиш, яратиш иштиёқи – янгидан-янги инновацион ғояларнинг юзага келишига сабаб бўлади. Мирзачўл агроиқтисодиёт касб-ҳунар коллежи ўқувчиси Эгамберди Авлонбердиев ёш бўлишига қарамай, кўпдан бери янги инновацион ғоялар устида иш олиб боради. Танловда у ишлаб чиққан лойиҳа ҳакамлар ҳайъати томонидан муносиб баҳоланди.

– Ҳозирда “Масофадан симсиз электр энергияси узатиш қурилмаси” лойиҳаси устида иш олиб бораяпман, – дейди у. – Лойиҳани яратишдан мақсад  электр энергияси узилишларининг олдини олиш, электр энергияси сарфини камайтириш, узлуксиз электр энергиясини етказиб беришдан иборат. Агар ушбу лойиҳа ҳаётга татбиқ этилса, беҳуда электр энергияси сарфи камаяди, келгусида аҳоли ва барча саноат тармоқларига электр энергия етказиб беришдаги камчиликлар бартараф этилади.

Танловда Эгамберди Авлонбердиевдан ташқари, Жиззах иқтисодиёт ва хизмат кўрсатиш касб-ҳунар коллежи ўқувчиси Абдувоҳид Шодиев ҳамда Зарбдор мелиорация ва сув хўжалиги касб-ҳунар коллежи ўқувчиси Қодирий Сафаровлар танловнинг республика босқичига йўлланма олдилар.    

Олим НОРЖИГИТОВ,

O‘zLiDeP Жиззах вилоят Кенгаши

ёшлар билан ишлаш бўлими  мудири

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!