O‘zLiDeP Шўрчи туман кенгаши “Аёллар қаноти” томонидан “Ишбилармон аёл кўрик-танловининг туман босқичи ўтказилди.

Танловда дастлаб иштирокчилар ўзлари ишлаб чиқарган маҳсулотларининг кўргазмасини намойиш этди.  Кўргазма давомида иштирокчилар ҳакамларга ишлаб чиқарган маҳсулотлари, тадбиркорлик фаолиятлари ҳақида сўзлаб берди.

–Корхонамизда кўрпа, ёстиқлар ва маҳсус ишчи кийимлари ишлаб чиқарилади, – дейди танловнинг 1-ўрин соҳибаси Гулсора Тангирова. – 12 сотихлик иссиқхонамизда эса бодринг, помидор ва бошқа маҳсулотлар етиштирилмоқда.  Танловда ғолиблар қаторидан ўрин олганим, мен учун ўзига хос масъулият юклади. Айниқса, камтарона меҳнатларим, тайёрлаган  маҳсулотларимиз юқори баҳолангани ғайратимизга-ғайрат қўшиб, келгусида янги-янги ғоялар устида ишлашга куч бағишлади.

Танловда шунингдек, иштирокчиларни баҳолашда хотин-қизлар учун қўшимча ишчи ўринлари яратилганлиги, экспортга йўналтирилган ёки импорт ўрнини босувчи маҳсулот ишлаб чиқаришга асосланганлиги, аҳолига хизмат кўрсатишнинг ихтисослашганлиги, тақдимотларида уларнинг ўз фаолиятларида учраётган муаммолар, ғов ва тўсиқларни қай тарзда бартараф этганлик даражасига ҳам алоҳида эътибор қаратилди.

Танлов ғолиблари O‘zLiDeP туман кенгаши томонидан димлом ва эсдалик совғалари билан тақдирланди.

 Улуғбек ҚУЛМАТОВ,

O‘zLiDeP Шўрчи туман кенгаши

апарат раҳбари

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!