O‘zLiDeP Фарғона вилоят Кенгаши томонидан Сўх туманидаги Янгиариқ маҳалласида “O‘zLiDeP бошланғич партия ташкилотлари ўз томорқасида тадбиркорлигини бошлаганларга кўмакдош” лойиҳаси доирасида амалий мулоқот ташкил этилди.

Мулоқот давомида тадбиркорлик фаолиятини бошлаш истагида юрган ёшларга зарур таклиф-тавсиялар берилди.

– Томорқачилик ҳадисини олганимиздан буён оила аъзоларимиз билан қўшимча даромад топяпмиз, – дейди тадбиркор. – Ўғлим бир неча йиллардан бери хорижда ишларди. Ўтган йили уйга қайтдию, ўша даромадни томорқачиликдан топа бошладик. Шу боис 10 сотихлик томорқамизнинг 4 сотихида лимонария ташкил қилдик. Қолган ерга помидор, бодринг, булғор қалампири экиб, ҳар йили 4-5 миллион сўм даромад қиляпмиз.

Таъкидлаш керак, лойиҳа доирасида нафақат томарқадан унумли фойдаланиш йўллари, балки мева-сабзавот ва полиз кўчатлари ҳам олиб берилмоқда. Яқинда O‘zLiDeP Қўштепа туман Кенгаши ана шундай савобли ишга қўл урди. Лойиҳа доирасида 35 оилага 3500 помидор, 500 карам, 500 аччиқ қалампир, 500 булғор қалампири, 1000 бақилажон ҳамда 500 дона бодринг қўчатлари тарқатилди.

O‘zLiDeP Фарғона вилоят

 Кенгаши матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!