O‘zLiDeP Фарғона вилоят Кенгаши Учкўприк туманидаги “Машад” МФЙда сайёр қабул ташкил этди.

Унда туман тиббиёт бирлашмаси, электр тармоқлари корхонаси, бандликка кўмакмашиш маркази ҳамда  газ идораси вакиллари иштирок этди.

Сайёр қабул давомида якка тартибдаги тадбиркор Ихтиёржон Турсунов автомобилларга хизмат кўрсатиш шахобчаси очмоқчи эканлигини айтиб, ер майдони ажратишда амалий ёрдам сўради. Унинг мурожаати жойида ўрганилди ва тадбиркорга тумандаги “Қуқонбой” қишлоғида жойлашган туман химикатлар омборига қарашли жой ижарага бериладиган бўлди.  

“Ниёзов Мухиддин Рахмонович” МЧЖ раҳбари М.Ниёзов тут плантацияси ва кулолчилик цехи куриш учун 10 гектар ер олмоқчи эканини айтди. Унинг мурожаати 2019 йил давлат дастурига киритилиб, туман ҳокимининг биринчи ўринбосари К.Йигиталиев томонидан назоратга олинди.

Улуғбек Исмоилов “Курбозор” қишлоғида жойлашган “Олтин ниҳол” уюшмасига қарашли  1 гектар  фойдаланилмай ётган ерни ёнғоқзор қилиш мақсадида мурожаат қилди. Унинг  мурожаати Халқ депутатлари туман Кенгашидаги партия депутатлик гуруҳи аъзоси  Н.Хайдаров томонидан назоратга олиниб, “Олтин ниҳол” уюшмаси раҳбари Ш.Боймуродовга  депутатлик  сўрови юборилди.

Шунингдек, қабул давомида тумандаги газ, электр энергияси, йўл қурилиш соҳасидаги муаммолар ва ишсизлик масалалари бўйича 20га яқин мурожаат келиб чиқди.

Шоҳиста ТОЛИПОВА,

 O‘zLiDeP Фарғона вилояти

Кенгаши матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!