O‘zLiDeP Хоразм вилоят Кенгаши томонидан Урганч шаҳридаги  “Хоразм иссиқлик манбаи” АЖда шу мавзуида амалий мулоқот ташкил этилди.

Унда Халқ депутатлари шаҳар Кенгашидаги партия депутатлик гуруҳи аъзолари, ДХХ ходими, Урганч тумани Бош имом-хатиби ёрдамчиси ҳамда  кенг жамоатчилик вакиллари иштирок этди.

–Партиямизнинг асосий мақсадларидан бири инсон маънавий салоҳиятининг узлуксиз ўсишини таъминлашдан иборат, – дейди Халқ депутатлари Урганч шаҳар Кенгашидаги партия депутатлик гуруҳи раҳбари Нигора Қўшчанова. – Шу боисдан ёшларни миллий ва умуминсоний қадриятлар руҳида тарбиялаш борасида амалга оширилаётган кенг қамровли ишларни давом эттириш ва янги босқичга олиб чиқиш, уларни миллий менталитетимизга ёт бўлган зарарли таъсир ва оқимлардан ҳимоя қилиш масаласига алоҳида эътибор қаратмоқдамиз. Чунки замонавий билимларга эга, мустақил фикрловчи ёшларни тайёрлашда ҳар биримиз масъулият билан ёндашишимиз ва бу борада жойларда тарғибот ва ташвиқот ишларини олиб боришимиз бугунги куннинг талабидир.

Тадбирда сўзга чиққан Урганч тумани Бош имом-хатиби ёрдамчиси А.Атажанов ва бошқалар вилоятда салбий иллатлар домига тушган айрим ёшларнинг ҳаёти ҳақида гапириб, барчани бу борада ўта масъулиятли, эътиборли муносабатда бўлишга чақирди.

                                                                     Дониёр ЖУМАНИЯЗОВ,

O‘zLiDeP Урганч шаҳар Кенгаши

аппарат раҳбари

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!