O‘zLiDeP Жиззах вилоят Кенгаши “O‘zLiDeP бошланғич ташкилотлари ўз томорқасида фаолият бошлаганларга кўмакдош” лойиҳаси доирасида “Дўстлик” ва “Самарқанд” маҳаллалари аҳолиси учун амалий мулоқот ташкил этди.

Мулоқот давомида партия вилоят Кенгашидаги БПТ аъзолари, тажрибали тадбиркор ва ишбилармонлар, фермер хўжалиги раҳбарлари тадбиркорлик фаолиятини бошлаш истагида юрган хонадон эгаларига зарур кўрсатмалар ва тавсиялар бермоқда.  

– Ҳудудимизда томорқадан самарали фойдаланаётган хонадонлар кўп, – дейди “Самарқанд” МФЙ раиси Холбўта Муродов. – Очиғини айтиш керак, уларнинг аксакрияти экин-текин экишни билмайди, томорқадан фойдаланиш сир-асрорларидан хабари йўқ. Партия фаолларининг хонадонма-хонадон юриб, томорқага экин экиш борасида таклиф ва тавсия бераётганидан хурсандмиз. Чунки тарғибот ишлари давомида кўплаб хонадон эгалари ўз ҳовлисида исссиқхона ташкил этмоқда, томорқадан самарали фойдаланишни ўрганмоқда.

Таъкидлаш керак, мазкур лойиҳа доирасида олиб борилаётган тарғибот ишлари натижасида ёшлар ва хотин-қизлар бандлиги таъминланиб, ишсизлар сони камаймоқда.

Холбек АСАТОВ,

O‘zLiDeP Жиззах вилоят Кенгаши

БПТ билан ишлаш

гуруҳи раҳбари

O‘zLiDePнинг Facebook ҳамда Instagram'даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!