O‘zLiDeP Хонобод туман Кенгаши томонидан Хонобод сервис ижтимоий-иқтисодиёт касб-ҳунар коллежида “Йилнинг энг яхши ёш тадбиркори” кўрик-танлови ўтказилди.

Танловда Хонобод шаҳридаги 20 нафар ишбилармон йигит-қиз тадбиркорлик фаолиятини бошламоқчи бўлган йигит-қиз ўз бизнес лойиҳалари билан иштирок этди.

–Мазкур танловга иштирок этиб, фахрли биринчи ўринни эгаллаганимдан хурсандман, – дейди ёш тадбиркор Маҳмуджон Собиров. – Чунки бу каби танловлар давомида  тенгдошларим, ёш тадбиркорлар билан тажриба алмашиш, янгиликларни ўрганиш, малака ошириш, янги ҳамкорлар топиш имкониятларига эга бўламиз.

Таъкидлаш керак, М.Собиров нон ва қандолат маҳсулотлари ишлаб чиқаришга ихтисослашган “Хонободим ширинликлари” МЧЖ раҳбари. Ёш бўлишига қарамай, нафақат туманда балки вилоятда ҳам нуфузли тадбиркорлар қаторида тилга олинади. Туман, вилоят, республика миқёсидаги турли ярмаркалар, танловларда ўз маҳсулотлари билан иштирок этиб халқимиз эътирофига сазовор бўлаётган ишбилармонлардан бири. Танловда Маҳмуджон Собировдан ташқари, миллий ҳунармандчилик йўналишида янгиликлар яратаётган Марҳабохон Абдураҳмонова ва ёғочга ишлов бериш ва мебелсозлик йўналиши бўйича Исроилжон Акбаровлар ҳам фахрли ўринларни қўлга киритишди.

Ғолиб ва совриндорлар партия шаҳар Кенгаши томонидан диплом ва эсдалик совғалар билан тақдирланди.

Мансурбек МУСАЕВ,

O‘zLiDeP Хонобод шаҳар Кенгаши

аппарат раҳбари

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!