O‘zLiDeP Хоразм вилоят Кенгаши қатор мутасадди ташкилотлар билан ҳамкорликда “Сен ҳам фаол ёшлар сафидасан” шиори остида бўш иш ўринлари меҳнат ярмаркасини ташкил этди.

Мамлакатимизда тадбиркорликни ривожлантириш, аҳоли бандлигини таъминлаш ҳамда даромадларини ошириш бўйича кенг кўламли ишлар амалга оширилмоқда, – дейди O‘zLiDeP Хоразм вилоят Кенгаши раиси Ш.Сафарбаев. – Мазкур ярмаркада шаҳар ҳудудида фаолият кўрсатаётган 164 та корхона ва ташкилот 1492 та бўш иш ўрни билан иштирок этди. Тадбир давомида қурилиш, пайвандлаш, хизмат кўрсатиш соҳаси, жумладан, тикувчилик ускуналарида тикиш-бичиш, сартарошлик ва шу каби кўплаб соҳалар бўйича иш берувчиларнинг технологияларини намойиш этишлари учун алоҳида майдончалар ташкил этилди.

Ярмарка якунида 12 нафар фуқарога ишга жойлашиш учун йўлланма берилди.

– Бугун мен ушбу ярмаркада бўш иш ўринлари билан танишиб чиқдим, - дейди Урганч қурилиш касб-ҳунар коллежини 2017 йилда тугатган Расул Умаров. – Коллежни тугатганимдан кейин ўзимга мос иш топа олмай юргандим. Айрим жойларга борганимда бўш иш ўрни йўқлигини эшитиб, хафа бўлардим. Бугун ўзимнинг йўналишим бўйича “Ойбек-Отабек-Бинокор” корхолнаси билан меҳнат шартномаси имзоладик. Эртадан мен ҳам иш бошлашим ва ота-онамга ёрдамчи бўлишим мумкин. Ушбу ярмаркани ташкиллаштирганларга катта раҳмат айтаман.

Жуманазар Қурбанов

O‘zLiDeP  Хоразм вилоят Кенгаши

раисининг биринчи ўринбосари-

аппарат раҳбари

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!