Бухорода “Ишбилармон аёл” кўрик-танловининг Бухоро шаҳар босқичи бўлиб ўтди. Танловда 30 га яқин тадбиркор аёл ўз маҳсулотлари билан қатнашди.  

– Хотин-қизларни ҳар томонлама қўллаб-қувватлаш, уларнинг ватанимиз келажаги йўлидаги интилиши, ижтимоий-сиёсий ҳаётимиздаги фаол иштироки бугунги замонавий тадбиркор аёл қиёфасини яратмокда, – дейди, O‘zLiDeP Бухоро шаҳар Кенгаши раисининг аёллар масалалари бўйича ўринбосари   М. Файзуллаева. – Бугунги кўрик-танлов ҳам ана шу мақсад йўлидаги навбатдаги қадамдир. Танлов ҳакамлари хотин-қизларнинг қўшимча ишчи ўринлари яратгани, экспортга йўналтирилган ёки импорт ўрнини босувчи маҳсулот ишлаб чиқаргани, аҳолига хизмат кўрсатишнинг ихтисослашганига қараб баҳолашди. Қувонарлиси шундаки, танлов давомида тадбиркор аёллар ўзаро тажриба алмашиш имконига ҳам эга бўлишди.   

Тадбир сўнгида тадбиркор  аёллардан “Омад Бахт Қувонч” МЧЖ нон ва макарон маҳсулотлари ишлаб чиқариш корхонаси раҳбари Ҳилола Ҳалимова “Замонавий тадбиркор аёл портрети”, “Тадбиркор Бизнес Центр” нодавлат таълим муассасаси касб-ҳунар ўқув маркази раҳбари Сабоҳат Давронова “Йилнинг мурувватли ишбилармон аёли” номинациялари буйича ғолибликни қўлга киритишди.

                                        Шамшод ЖАФАРОВ,

                                                                   O‘zLiDeP Бухоро вилоят Кенгаши

                                                матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!