ТАТУ Урганч филиали қошидаги 1-сон академик лицейида “Келажак депутатлари” лойиҳаси доирасида “Депутат ва ёшлар” учрашуви бўлиб ўтди.

Тадбирда сўз олганлар Ўзбекистон Республикасининг “Ёшларга оид давлат сиёсати тўғрисида”, “Сиёсий партиялар тўғрисида” ҳамда “Халқ депуталари вилоят, туман ва шаҳар Кенгаши депутатининг мақоми тўғрисида”ги Қонунлари ижроси юзасидан ҳудудда амалга оширилаётган ишлар хусусида тўхталиб ўтдилар.

–Бугунги кун ёшлари мамлакатимизни равнақ топтиришнинг ҳаракатлантирувчи кучидир, – дейди Халқ депутатлари Уранч шаҳар Кенгашидаги партия депутатлик гуруҳи аъзоси Қ.Кенжаев. – Зеро, интеллектуал салоҳияти юқори, дунёқараши кенг, мустақил фикрлайдиган авлодни вояга етказиш ва тарбиялаш давлатимиз сиёсатининг устувор йўналишларидан биридир. Партиямизнинг энг асосий мақсадларидан бири ҳам ҳар томонлама соғлом ёшларни тарбиялаш, уларни билимли бўлиши, ўз тадбиркорлигини бошлаши ва ҳаётда ўз ўринларига эга бўлишини таъминлашдан иборат. 

Тадбир давомида “Ёшлар қаноти” томонидан ижтимоий тармоқларда ташкил этилган “Келажак депутатлари”, “Ёш тадбиркорлар муаммоларини ўрганиш гуруҳи” фаолияти ҳақида маълумот берилди. 

Тадбирда иштирокчилар ўзларини қизиқтирган барча саволларга мутасаддилар томонидан атрофлича жавоб олдилар.

Дониёр ЖУМАНИЯЗОВ,

O‘zLiDeP  Урганч шаҳар Кенгаши

аппарат раҳбари

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!