Каттақўрғон тумани “Киччиккўрпа” маҳалласида яшовчи Зубайдулла Мирзаев 12 сотихлик  ер майдонидан йилига 4 марта ҳосил олади. Шуни эвазига отахон бир йилда 100 миллион сўм даромад кўради.

Мавзуга оид:

Каттақўрғонлик 80 ёшли Зубайдулла ота ўз томорқасидан бир йилда 100 миллион сўм даромад кўрмоқда (ВИДЕО)

Зубайдулла отанинг деҳқончилик тажриба мактабини оммалаштириш мақсадида O‘zLiDeP Самарқанд вилоят Кенгаши томонидан Каттақўрғон туманида “Томорқа – беминнат даромад манбаи” мавзуида амалий мулоқот уюштирилди.

Тадбирга Каттақўрғон шаҳар, Иштихон, Оқдарё, Нарпай туманларидан ўз томорқасида тадбиркорлик фаолиятини бошламоқчи бўлган ҳамюртларимиз таклиф этилди.

–60 йилдан буён деҳқончилик билан шуғулланаман. Бу касб менга ота мерос, – дейди отахон. – 12 сотихлик томорқамизда 5х5 оралиғида гилос кўчатларини  экканман. Гилосзор орасидаги майдонда йилига 2 маротаба бодринг ва редиска етиштираман. Тўғриси, бўш ётган ерларни кўрсам  жоним ачишади. Сўрасангиз, сувни муаммо қилишади. Бизни воҳада 12 метрли трубани ерга қоқиб, битта насос ўрнатса сув муаммоси бартараф этилади.  Фақат унга қунт бўлса бас.

Тадбир давомида вилоятнинг турли гўшаларидан келган томорқачилар тажрибали деҳқондан экин экишнинг барча сир-асрорларини ўрганди.

–Шаҳарда яшасамда 6 сотихлик томорқамиз бор, – дейди Каттақўрғон шаҳрида яшовчи Эргашжон Маматов. – Энди бугундан бошлаб Зубайдулла Мирзаевга шогирд тушмоқчиман. Чунки отахондан деҳқончилик сирларини ўрганиб, томорқамизда тадбиркорлик қилишни ният қилдим.

Бахтигул ҚАРШИЕВА,

O‘zLiDeP Самарқанд вилоят

Кенгаши матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!