O‘zLiDeP Навоий вилоят Кенгаши Зарафшон шаҳар Ахборот-ресурс маркази ва Зарафшон шаҳар ҳокимлиги билан ҳамкорликда ёшлар форумини  ташкил этди.

Форумда партия вилоят Кенгаши масъул ходимлари, “Ёшлар қаноти” фаоллари, туман ҳокимлиги, Халқ депутатлари вилоят, туман (шаҳар) Кенгашидаги партия депутатлик гуруҳи аъзолари, уюшмаган ёшлар ҳамда ОАВ вакиллари иштирок этди.

Тадбирда малакали мутахассислар томонидан тадбиркорликни бошлаш сирлари, инновацион лойиҳаларнинг ўзига хос хусусиятлари, хориждан инвестиция жалб қилишни афзалликлари, юртимиз ва жаҳон ҳамжамиятида рўй бераётган сиёсий жараёнлар, республикамизда фаолият юритаётган сиёсий партиялар, қонун чиқарувчи ва ижро этувчи ҳокимиятлар томонидан амалга оширилаётган  ишлар хусусида батафсил маълумотлар берилди.

– Ўғлимнинг болаликдан сиёсий жараёнларга бўлган қизиқиши баланд, – дейди “Келажак депутатлари” гуруҳи аъзоси Шахбоз Равшановнинг онаси Зарифа Назарова. – Шу боис, у 18 ёшга тўлиши билан O‘zLiDePга аъзо бўлди. Партия томонидан ўтказиб келинаётган турли тадбир ва танловларда ҳам доим фаол иштирок этиб келади. Айниқса, унинг партия маҳаллий кенгаш депутатлари билан бирга аҳоли орасига тушиб оддий одамларни ўйлантириб келаётган муаммоларни ҳал этаётгани, фуқаролар дарду ташвишига шерик бўлаётгани мени жуда қувонтиради.

Форум доирасида ёшлар Зарафшон шаҳридаги “ORIANNA YARNS TEXTILE” МЧЖ шаклида ташкил этилган Ўзбекистон – Туркия қўшма корхонасига ташриф буюрди. Корхона раҳбари йиғилганларни корхона фаолияти ва тадбиркорлик субъектининг иш жараёни билан яқиндан таништириб, ёшларнинг қизиқтирган саволарига атрофлича жавоблар қайтарди.

Форум якунида иштирокчилар O‘zLiDeP вилоят Кенгаши томонидан диплом ва эсдалик совғалари билан тақдирланди.  

Н.ОТАМУРОДОВА,

O‘zLiDeP Зарафшон шаҳар бўлими

 аппарат раҳбари

O‘zLiDePнинг Facebook ҳамда Instagram'даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!