Мирободлик депутатимиз нуронийларга 100 дан ортиқ бадиий китоблар тарқатди

24.06.2018, 12:39

Мирободлик депутатимиз нуронийларга 100 дан ортиқ бадиий китоблар тарқатди

Юртимизда одамлар дарду-ташвиши билан яшайдиган, ҳаётини оғир ва машаққатли, шарафли ишга бағишлаган фидойи инсонлар кўп. Халқ депутатлари Миробод туман кенгашидаги O’zLiDeP депутатлик гуруҳи аъзоси Абдуҳаким Маманазаров ана шундай жонкуяр инсонлардан бири. 

Нега десангиз, тиниб тинчимас бу халқ ноиби ўз иши, вазифасига масъулият билан ёндашади, халқ билдирган ишончни доим оқлайди. Масалан, яқинда у бир гуруҳ партия фаоллари билан бирга Олмазор туманидаги Соғлиқни Сақлаш вазирлиги ҳузуридаги Уруш ва меҳнат фахрийлари республика пансионатида бўлиб, фахрийлар ҳолидан хабар олди.

– Мамлакатимизда кексаларни ҳар томонлама қўллаб-қувватлаш, уларнинг турмуш шароитини яхшилаш, енгиллик ва имтиёзлар билан боғлиқ масалалар давлат сиёсатининг муҳим йўналишидир, – дейди депутат. –Шу боис, 9 йилдан буён мазкур пансионатга келиб нуронийлар ҳолидан хабар оламиз. Қолаверса, ҳар байрамда турли совғалар ва бепул дори-дармон воситалари тарқатиб турамиз. Бугунги учрашув давомида ҳам уларга 100 дан ортиқ бадиий китоблар тарқатдик. Очиғи, бундай меҳр ва ғамхўрликдан нуронийлар кўнгли тоғдек кўтарилди.

Маълумот ўрнида айтиш жоиз, бугун мазкур пансионатда 60 ёшдан 98 ёшгача бўлган 143 нафар фахрийлар истиқомад қилади. Уларга эса 93 нафардан ортиқ ишчи-ходим сифатли хизмат кўрсатиб келмоқда.   

 O‘zLiDeP Тошкент шаҳар

Кенгаши матбуот хизмати

O‘zLiDePнинг Facebook ҳамда Instagram'даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    1279
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+