“Зартепа” маҳалласидаги 19-сонли МТМни қайта қуриш учун давлат бюджетидан 2 миллиард 900 миллион сўм маблағ ажратилди
27.06.2018, 18:13
Бу ҳақда халқ депутатлари Ангор туман кенгашидаги O‘zLiDeP депутатлик гуруҳининг навбатдаги йиғилишида алоҳида таъкидланди. Йиғилишда туман мактабгача таълим муассасаси бўлими мудири Н.Қорқулованинг ҳисоботи тингланди.
Ҳисоботда таъкидланганидек, айни чоғда туманда 16 та давлат мактабгача таълим муассасаси бўлиб, шундан 12 таси қишлоқ жойларида, 4 таси эса туман марказида жойлашган. Мазкур таълим муассасаларида 144 нафар педагог 2075 нафар тарбияланувчиларга таълим-тарбия бериб келмоқда.
– Ҳозирга қадар тумандаги 10 та МТМ кузатув камералари, 16 та газ плитаси ва шунча миқдордаги музлаткич, 119 миллион сўмлик чойшаблар тўплами билан қайта жиҳозланди, – дейди Н.Қорқулова. –Шу билан бирга, 4 миллиард сўмлик замонавий тиббий жиҳозлар, бадиий адабиёт ва ўйинчоқлар, спорт анжомлари, мусиқа асбоблари ҳамда замонавий ахборот-технологиялари билан таъминланди. Бундан ташқари, жорий йилда “Зартепа” маҳалласидаги 19-сонли мактабгача таълим муассасини қайта қуриш учун давлат бюджетидан 2 миллиард 900 миллион сўм маблағ ажратилди.
Йиғилишда шунингдек, мактабгача таълим муассасаларини арзон ва сифатли озиқ-овқат маҳсулотлари билан таъминлаш мақсадида “Сурхон тиббиёт таълим таъминот базаси” МЧЖ, “Чорвадор Нормўмин” ва “Хуррамова чорвачилик” фермер хўжаликлари билан шартнома тузилиб, 22 хил турдаги озиқ-овқат маҳсулотлари тўлиқ етказиб берилаётгани таъкидланди.
Йиғилишда бу борадаги ишлар самарадорлигини ошириш юзасидан тегишли тавсиялар берилди.
Азим ШОБЕРДИЕВ,
O‘zLiDeP Ангор туман Кенгаши
аппарат раҳбари
O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!
Ўхшаш янгиликлар
-
Қўрғонтепада қишлоқ хўжалигига мўлжалланган ерлардан самарали фойдаланиш ҳолати таҳлил қилинди
26.01.2024, 16:22
-
Депутат кўмагида аҳоли хонадонларига ичимлик суви етиб бормоқда
26.01.2024, 11:59
-
Депутатлик эшитуви танқидий-таҳлилий руҳда ўтди
26.01.2024, 11:57
-
Бошқарма бошлиғининг ҳисоботи эшитилди
25.01.2024, 15:32
-
Зоминлик депутатлар туман электр тармоқлари корхонаси раҳбарининг ҳисоботини эшитдилар
23.01.2024, 15:15
Фикрингизни қолдиринг