Халқ депутатлари Тошкент вилоят Кенгашидаги O‘zLiDeP депутатлик гуруҳи ҳамда маҳаллий бюджетни шакллантириш ва уни ижро этиш, иқтисодий ислоҳотларни амалга ошириш ҳамда тадбиркорликни ривожлантириш масалалари бўйича доимий комиссиянинг қўшма йиғилиши бўлиб ўтди.

Йиғилишда депутатлар Тошкент вилоят молия бошқарма бошлиғи Ф.Ҳудайбердиевнинг ҳисоботини эшитди.

–Вилоят бўйича бюджет даромадларига (контингент) жорий йилнинг 1-чораги учун белгиланган 920,5 млрд. сўм прогноз кўрсаткичи амалда 1076,2 млрд. сўм ёки (117%)га бажарилди, – дейди Ф.Ҳудайбердиев. –Маҳаллий бюджет даромадлари бўйича тасдиқланган режага мувофиқ эса  шу  йилнинг 1-чорагида 370,2 млрд. сўмни ташкил этган ҳолда ҳақиқий тушум 407,2 млрд.сўм миқдорида бажарилди.

Йиғилишда шунингдек, кун тартибидаги иккинчи масала юзасидан вилоят давлат солиқ бошқарма бошлиғи Д.Юнусджановнинг ҳисоботи тингланди.

– Бюджет даромадларига 2018 йил 1- чораги учун белгиланган 918,6 млрд. сўм прогноз кўрсаткичи 1 трлн. 74 млрд. сўмга бажарилди, – дейди Д.Юнусджанов. – 2018 йилнинг январь-май ойларига белгиланган 1 трлн. 686 млрд. сўм прогноз кўрсаткичи 2 трлн. 92 млрд. сўмга (124,1%) бажарилди.

Йиғилишда ҳисоботлар юзасидан фикр-мулоҳазалар билдирилиб, галдаги вазифалар белгилаб олинди.

 Юсуфхўжа ХЎЖАМОВ,

Халқ депутатлари

Тошкент вилоят Кенгашидаги

O‘zLiDeP депутатлик

гуруҳи ижрочи котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!