O‘zLiDeP Хоразм вилоят Кенгаши шу мавзуда амалий мулоқот ташкил этди.

Ватанимиз мустақиллигининг 27 йиллиги муносабати билан “Азиз ва ягонамсан, жонажон Ўзбекистоним!” шиори остида ташкил этилган тадбирда партия фаоллари, тадбиркор хотин-қизлар, ёшлар ҳамда оммавий ахборот воситалари ходимлари иштирок этди. 

Тадбирда Президентимиз раҳнамолигида халқимиз турмуш фаровонлигини ошириш, миллий қадриятларимизни тиклаш, ёшларни ҳар томонлама баркамол этиб вояга етказиш борасида амалга оширилаётган ишлар юксак самара бераётгани таъкидланди. 

–Бугунги фаровон кунлар, улкан ютуқ ва марралар замирида юртбошимиз раҳнамолигида халқимиз манфаатлари йўлида узоқни кўзлаб амалга оширилаётган изчил ислоҳотлар ва халқимизнинг фидокорона меҳнати мужассам, – дейди O‘zLiDeP Урганч шаҳар Кенгаши аппарат раҳбари Дониёр Жуманиязов. – Зеро, истиқлол йилларида халқимизнинг барча орзу-умидлари ушалди, турмуш фаровонлиги юксалиб, сиёсий фаоллиги ошди. Шу боис, тадбир давомида ёшларга мазкур қарорнинг мазмун-моҳияти кенг тушунтирилди, ижросини бажаришга барча бирдек масъул экани айтиб ўтилди.

Бу каби тадбирларни вилоятнинг барча туманларида ўтказишга келишиб олинди.

 Султонбой ОЧИЛОВ,

O‘zLiDeP Хоразм вилоят Кенгаши

бўлим мудири

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!