O‘zLiDeP Сиёсий Кенгаши Ижроия қўмитасида Малайзиянинг “Осиё Тинч океани технологиялар ва инновация Университети”да таҳсил олаётган ўзбекистонлик ёшлар билан онлайн мулоқот бошланди. Айни пайтда мулоқотда “Yoshlar – kelajagimiz” Давлат дастурининг мазмун-моҳияти кенг муҳокама қилинмоқда.

Таъкидланганидек, ушбу дастур, аҳамияти, долзарблиги, ҳаётийлиги билан мустақиллик йилларида ишлаб чиқилган ўхшаши йўқ кенг қамровли дастур ҳисобланади. Бинобарин мазкур дастурнинг асосида ёшлар тадбиркорлигини ҳар томонлама қўллаб-қувватлаш, қайси соҳада бўлмасин, ёшларга ўз иқтидорларини рўёбга чиқариш учун амалда зарур шарт-шароитлар яратиш, иш ўринлари очиш ва ёшлар бандлигини таъминлаш каби вазифалар мужассам. Шу боис дастур қабул қилиниши муносабати билан юртимиз ёшлари ўртасидаги ниҳоятда кўтаринки кайфият, эртанги кунга ортиб бораётган ишонч руҳи ҳақида гапирилди.

Дастур хорижда ўқиб қайтган ёшлар учун ҳам кенг имкониятлар эшигини очиши ҳақида гапириб ўтилди.

Ўз навбатида дастур ижроси учун Ёшлар иттифоқи ҳузурида “Ёшлар – келажагимиз” жамғармаси ҳамда унинг туман ва шаҳар филиалларининг ташкил этилгани, бу тузилма маблағларидан ёшларнинг бизнес лойиҳалари учун йиллик имтиёзли кредит берилиши Малайзиядаги талабаларни ҳам қизиқтирмасдан қолмади. Дастурда ҳар бир туманда ажратиладиган кредит ҳажми ва уни олувчилар сони, кредит бериладиган фаолият йўналишлари, бунинг натижасида яратилиши зарур бўлган иш ўринлари миқдорининг аниқ белгилаб қўйилгани ҳамда ҳар бир фермерга биттадан банд бўлмаган ёшни бириктириш кўзда тутилгани ёшларни ҳаётда ўз йўлини топишлари учун яратилган кенг имконият экани таъкидланди.

O‘zLiDeP матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!