Халқ депутатлари Каттақўрғон шаҳар Кенгашидаги O‘zLiDeP депутатлик гуруҳининг навбатдаги йиғилиши бўлиб ўтди. Йиғилишда Каттақўрғон шаҳар Давлат солиқ инспекцияси бошлиғи ахбороти эшитилди.

Қайд этилганидек, жорий йилнинг ўтган даври мобайнида шаҳар Давлат солиқ инспекцияси томонидан бюджетга 35329,2 млн сўм ундирилди ва режа кўрсатгичлари 8864,4 млн сўмга кўп бажарилди.  

– Бундан ташқари, жорий йилнинг 2 чораги давомида камерал назорат ва мониторинг натижасида 78 та корхона ва ташкилотларда 180 та норасмий ишчи сони аниқланиб, қонуний расмийлаштирилди, – дейди Беҳзоджон Султонов. – Қолаверса, 2 чорак давомида 66 та янги корхона ва ташкилотлар рўйхатдан ўтиши натижасида 87 та янги иш ўрни яратилди. Бунинг натижада эса бюджет ва бюджетдан ташқари мақсадли жамғармаларга 59,8 млн сўм ундирилди.

Йиғилишда билдирилган таклиф ва мулоҳазалардан келиб чиқиб, депутатлик гуруҳининг тегишли қарори қабул қилинди.

Бахтигул ҚАРШИЕВА,

O‘zLiDeP Самарқанд вилоят

Кенгаши матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!