О‘zLiDeP Ҳазорасп туман Кенгаши томонидан “Пахта тозалаш” ОАЖ қошида фаолият юритаётган БПТда ташкил этилган тадбир ана шундай номланди.

Тадбирда ёшларни жамиятга хавф солаётган турли оқим ва ёт ғоялар таъсиридан  асраш, уларда соғлом муҳитни шакллантириш, эркин фуқаролик жамиятининг асосий шарти бўлган аҳолининг сиёсий маданияти ва ҳуқуқий онгини ошириш, шунингдек, тинчликни асраш, барқарор ривожланишни таъминлаш инсоният олдидаги энг муҳим вазифалардан бири экани таъкидланди.

– Ислом ниқобидаги турли ташкилотлар ва ҳаракатларга қарши самарали мафкуравий кураш олиб боришда, уларнинг ғайриинсоний моҳиятини англаб етиш муҳим аҳамият касб этади, – дейди Ўзбекистон Мусулмонлар идораси Хоразм вилоят вакили Х.Абдуллаев. – Айниқса, ёшлар онгига таҳдид солишга ҳаракат қилаётган мазкур оқимларнинг таъсирига тушиб қолмаслик учун маънавий салоҳиятимиз етук бўлиши лозим.

Тадбирда O’zLiDeP депутатлари ва фаоллари жойларда мутасадди ташкилотлар, маҳалла, таълим муассасалари, ота-оналар ва ёшлар билан ҳамкорликда ушбу ишларни мунтазам равишда амалга оширишга келишиб олинди.

М.АБДИРИМОВ,

О‘zLiDeP Ҳазорасп туман

Кенгаши аппарат раҳбари

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!