O‘zLiDeP Андижон вилоят Кенгаши “Аёллар қаноти” Балиқчи туманида “Фаровон оила” лойиҳаси доирасида “Соғлом ва мустаҳкам оила – жамият бойлиги ва келажак пойдевори” мавзусида очиқ мулоқот ўтказди.    

Тадбирда туман хотин қизлар қўмитаси, туман жиноят ишлари бўйича суд раиси, ИИБ, “Оила” илмий маркази, туман тиббиёт бирлашмаси ходимлари иштирок этди.  

Тадбир хотин-қизлар ўртасида ҳуқуқбузарликларни олдини олиш, ҳуқуқбузарликка мойиллиги бўлган аёллар билан якка тартибда ишлаш, жазони ижро этиш муассасаларидан озод қилинган хотин-қизларнинг ижтимоий реабилитацияси ва мослашишида кўмаклашиш мақсадида ташкил этилди.  

– Оилавий ажримлар жамиятда бир қатор салбий ҳолатларни юзага келтирмоқда, – дейди Балиқчи тумани хотин қизлар қўмитаси раиси Г.Деҳқонова. – Шу боис оилаларда соғлом муҳитни яратиш, ўзаро меҳр-оқибат ва ҳамжиҳатлик асосида оилавий муносабатларни мустаҳкамлаш масаласига алоҳида эътибор қаратмоқдамиз. Тадбир давомида тумандаги аёлларнинг муаммолари тингланди. Жумладан, Аралхон МФЙда яшовчи Д. Барисова турмуш ўртоғи Россияга оиласини ночор аҳволда ташлаб кетгани ва оиласини тиклашда бир ўзининг кучи етмаётганини айтиб, кўмак сўради. Бу мурожаат юзасидан амалий ёрдам кўрсатиш режага киритилди.  

Мулоқот давомида 25 нафар аёл иш жойидан иш ҳақини ололмаётганини маълум қилди. Бу муаммо партия ходимлари томонидан ижобий ҳал этиладиган бўлди.  

Умида Исаева,

O‘zLiDeP Андижон вилоят

Кенгаши ходими

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!