O‘zLiDeP Ҳазорасп туман Кенгаши “Тупрақальа” қишлоғининг Нукус, Гурлан, Хазорасп, Хонқа, Хива ва Соримай маҳалласи ёшлари учун амалий мулоқот ташкил этди.

Тадбирда Президентимизнинг 2018 йил 27 июндаги “Yoshlar – kelajagimiz” давлат Дастури тўғрисида”ги Фармони ва унинг жойлардаги ижроси юзасидан кенгроқ маълумотлар берилди.

Қайд этилганидек, замонавий билим ва кўникмаларига эга, мамлакатнинг муносиб келажаги учун жавобгарликни ўз зиммасига ола биладиган, баркамол, мақсадга интилувчан ва серғайрат ёшларни тарбиялаш, мамлакатни барқарор ва илдам ривожлантиришнинг энг муҳим шартидир.

– Ҳар бир оилада сулола давомчилари унинг фарзандлари хисобланса, ҳар қайси давлатнинг келажаги ва давомчилари шу юрт ёшлари хисобланади, – дейди O’zLiDeP депутати Г.Матмуратова. – Бугун юртимизда ёшлар учун барча имкониятлар бор. Мазкур ҳуқуқий ҳужжат эса воҳамизда исътедодли ёшларнинг янада кўпайиши, уларнинг орзу-истакларини рўёбга чиқиши учун муҳим омил бўлиб хизмат қилади.

Тадбирда ёшларнинг қизиқиш ва иқтидори, келгусидаги режалари ўрганилди. Билдирилган таклиф ва муаммолар депутатлик назоратига олинди.

М. АБДИРИМОВ,

O‘zLiDeP Ҳазорасп туман

Кенгаши аппарат раҳбари

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!