O‘zLiDeP кўмагида Лабисой кўчаси обод бўлмоқда (ВИДЕО)
19.07.2018, 14:37
Шу кунларда Республикамизнинг барча ҳудудларида бўлгани каби Наманганда ҳам “Обод қишлоқ” дастури доирасида қайта қуриш, кенг кўламли ободонлаштириш ишлари олиб борилмоқда. Чунки бугун вилоятда дастур доирасида “O‘zLiDePнинг обод кўчалари” акцияси кенг қулоч ёзган.
–Акция доирасида 11 та туманда 71.059 та хонадонни ободонлаштириш, кўкаламзорлаштириш ва уларнинг инфратузилмасини яхшилаш режалаштирилган, – дейди O‘zLiDeP Наманган вилоят Кенгаши аппарат раҳбари Носиржон Абдуллаев.– Шу боис, ҳозирга қадар ҳамкор ташкилотлар кўмагида 234 та хонадоннинг ташқи фасад қисми қайта таъмирланди. 8 кмдан ортиқ йўлларга шағал ётқизилиб, 1600 метри асфальт қилинди. Шунингдек, 40 та столба, 2 та янги трансформатор ўрнатилди. Қолаверса, аҳолига 512 та газ баллонлар тарқатилиб, тоза ичимлик ва оқова сув иншоотларини яхшилаш учун 315 та лотоклар ётқизилди.
Таъкидлаш лозимки, мазкур амалий ишлар вилоятнинг Чуст туманида ҳам қизғин тус олган. Боиси, 230 минг аҳоли истиқомат қилувчи туман вилоятда аҳоли зичлиги бўйича 2-ўринда туради.
–Лойиҳа доирасида бизнинг туманда ҳам кенг кўламли ишлар амалга оширилмоқда, – дейди халқ депутатлари Чуст туман кенгашидаги партия депутатлик гуруҳи аъзоси Ваққос Орипов. – Хусусан, 950 метрдан иборат “Пансада” маҳалласидаги Лабисой кўчасида жойлашган 8 та хонадоннинг ташқи фасад қисми таъмирланди. Айни чоғда эса тирбандликни олдини олиш мақсадида кўчанинг 850 метр қисмида таъмирлаш ва кенгайтириш ишлари олиб бориляпти.
Ҳа, бугун “Обод қишлоқ” дастури доирасида вилоятда олиб борилаётган ишларни кузатар экансиз, бунда халқимизнинг ҳашар, меҳр-оқибат каби улуғ қадриятлари ўзининг амалий ифодасини топаётганига яна бир бор гувоҳ бўласиз.
Юлдуз ЮЛДАШЕВА,
O‘zLiDeP Наманган вилоят
Кенгаши матбуот котиби
O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!
Ўхшаш янгиликлар
-
Ошкора мулоқот – муаммога ечим топади
25.08.2018, 14:05
-
O‘zLiDeP Маҳфуза Эшмуҳаммедовага паррандачиликни йўлга қўйишига кўмаклашди
09.08.2018, 15:43
-
Самарқанд шаҳридаги “Чўпон Ота” МФЙда “Обод маҳалла” дастури ижроси суст олиб борилмоқда
08.08.2018, 19:20
-
O‘zLiDeP депутати “Меҳриобод” МФЙдаги муаммо юзасидан депутатлик сўрови юборди
08.08.2018, 12:10
-
O‘zLiDeP фаоллари Жомбой аҳолиси орасида
08.08.2018, 10:49
Фикрингизни қолдиринг