“Ҳар бир оила – тадбиркор” дастури – оилаларнинг тадбиркорлик фаолияти билан шуғулланишига қулай шароит яратиш баробарида барқарор даромад манбаига эга бўлиши, аҳолининг турмуш тарзи сифати ва даражасида сезиларли ижобий ўзгаришлар амалга оширилишини таъминлашга қаратилган.

O‘zLiDeP Хоразм вилоят Кенгаши Олий Мажлиси Қонунчилик палатасининг Саноат, қурилиш ва савдо масалалари қўмитаси билан ҳамкорликда ўтказилган тадбирда ана шу фикр бот-бот такрорланди.

Олий Мажлис Қонунчилик палатаси депутати К.Джумамуратованинг айтишича, дастур ижросини таъминлаш борасида жойларда ташкил қилинган ишчи гуруҳларга оилавий тадбиркорликни ривожлантириш ҳамда бу борадаги ҳуқуқий механизмни янада такомиллаштиришга кўмаклашиш бўйича кўплаб амалий ишлаш олиб бормоқда. Шунингдек, тадбиркорлик фаолияти билан шуғулланувчиларнинг ҳуқуқий саводхонлигини янада оширишга ҳам алоҳида эътибор қаратиляпти.  

–Вилоятимизда тадбиркорлик фаолиятига қизиқиши баланд бўлган ёшлар  кўп, – дейди O‘zLiDeP Хоразм вилоят Кенгаши раиси Ш.Сафарбаев. – Шу боис, тадбир давомида аҳоли, айниқса, ёшларни тадбиркорлик фаолиятига жалб қилиш ва бу орқали янги иш ўринларини яратиш, бандликни таъминлаш, ўз бизнесини бошлаш истагида юрган фуқароларни қўллаб-қувватлашга ҳаракат қилдик.

Тадбирда аҳолини қийнаётган турли муаммолар ўрганилиб, айримлари шу ернинг ўзида ҳал этилди. Баъзи масалалар эса депутатлик назоратига олинди.

                                                                         Абдулла РЎЗМЕТОВ,

O‘zLiDeP Урганч туман

Кенгаши раиси

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!