Наманганда O‘zLiDeP ижтимоий тармоқлари орқали келган 40 мурожаат ижобий ҳал этилган
23.07.2018, 17:28
O‘zLiDeP Наманган вилоят Кенгаши ижтимоий тармоқларда тузилган “Тадбиркорлар муаммоларини ўрганиш”, “Тадбиркор аёлларнинг муаммоларини ўрганиш”, “Ёш тадбиркорлар муаммоларини ўрганиш” ҳамда “Келажак депутатлари” гуруҳлари фаолиятини танқидий-таҳлил этиш ва улар самарадорлигини оширишга бағишланган йиғилиш ўтказди.
Тадбирда жорий йилнинг ўтган 6 ойи давомида мазкур гуруҳларга келиб тушган 40 дан ортиқ мурожаатлар ижобий ҳал этилгани, лекин Мингбулоқ, Косонсой, Учқўрғон ва Чуст туманларида бу кўрсаткич талаб даражасида эмаслиги қаттиқ танқид қилинди.
– Ижтимоий тармоқларда тузилган ушбу гуруҳлар асосан тадбиркор, фермер ва хусусий мулк эгаларининг ҳуқуқ ва манфаатларини ҳимоя қилиш, уларни ўйлантираётган муаммоларни ўрганиш ва ҳал этиш мақсадида ташкил этилган, – дейди O‘zLiDeP Наманган вилоят Кенгаши бўлим мудири Иброҳим Саттаров. – Шу сабабли мазкур гуруҳлар аҳоли, айниқса, тадбиркор ва ишбилармонлар томонидан келиб тушаётган мурожаатларни атрофлича ўрганиши ва уларни партиявий воситалари орқали ўз вақтида бартараф этиши лозим.
Йиғилишда мамлакатимизда амалга оширилаётган ислоҳотлар, қабул қилинаётган қонун хужжатлари ва бу жараёнларда O‘zLiDePнинг иштироки тўғрисида тезкор маълумотларни бериб бориш юзасидан тегишли қарор қабул қилинди.
Юлдуз ЮЛДАШЕВА,
O‘zLiDeP Наманган вилоят
Кенгаши матбуот котиби
O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!
Фикрингизни қолдиринг
Ўхшаш янгиликлар
-
Депутатлар талабалар билан экология мавзусида қизиқарли суҳбат қурдилар
19.04.2024, 15:08
-
Депутат “маҳалла еттилиги” фаолиятини ўрганди
19.04.2024, 14:53
-
Депутат талабаларнинг муаммо ва таклифларини ўрганди
19.04.2024, 14:48
-
Депутат ғаллаороллик сайловчилар билан мулоқотда бўлди
19.04.2024, 14:36
-
Депутатларнинг Олмалиқдаги учрашувларида хусусий корхоналар муаммолари ўрганилди
19.04.2024, 14:29
Билдирилган фикрлар
Ирода 2018-07-24 09:44:39
Гуруҳлар ишини фаоллаштириш учун нима қилиш керак???