O‘zLiDeP Урганч туман Кенгаши “Ғайбу” қишлоғининг “Оёқ-боғ”, “Тандирчи”, “Адолат”, “Оқ-мактаб”, “Шохидонлар”, “Хожибойлар”, “Туркманлар” ва “Чўлобод” маҳаллалари аҳли учун сайёр қабул ташкил этди.

Қабулда Халқ депутатлари вилоят, туман Кенгашидаги партия депутатлик гуруҳи аъзолари, партия вилоят Кенгаши, Урганч туман ҳокимлиги ҳамда бир қатор ташкилотлар вакиллари иштирок этди. 

– Маҳалламизда 330 хонадон истиқомат қилади, – дейди Туркманлар маҳалласида яшовчи С.Юсупов. – Лекин кўпдан бери тоза ичимлик суви муаммосидан қийналамиз. Шу боис, бу масалада ҳудудимизда ташкил этилган сайёр қабулда мутасаддилардан кўмак сўрагандик. Уларнинг ташаббуси билан муаммойимиз яқин кунларда ҳал бўлади. 

Сайёр қабулда иштирок этган “Тандирчи” маҳалласида яшовчи Рустам Жабберганов “Илғорлар” кўчасидаги трансформаторни эскиргани сабаб электр токи муаммоси аҳолини қийнаб келаётганини айтиб, шу масалада мутасаддилардан кўмак сўради. Унинг мурожаатини партия туман Кенгаши раиси ва O‘zLiDeP депутатлик гурурҳи аъзоси А.Рўзметов томонидан назоратга олинди.

Гулистон АДАМБАЕВА,

O‘zLiDeP Урганч туман

Кенгаши аппарат раҳбари

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!