O‘zLiDeP Нуробод туман Кенгаши Сазағон ва Сарой маҳаллаларида Президентимизнинг “Yoshlar – kelajagimiz” Давлат дастури тўғрисида”ги Фармони тарғиботига бағишланган тадбир ўтказди.

Тадбирда Фармон ижросини таъминлаш мақсадида туманда махсус штаб ташкил этилган бўлиб, штаб қошида ишчи гуруҳларга бўлинган ҳолда туманнинг барча ҳудудларидаги ёшларни ҳатлов асосида махсус анкета-сўровномаси ўтказилаётгани айтиб ўтилди.

Шунингдек, хатлов якунлари бўйича бизнез ва тадбиркорлик фаолиятини йўлга қўймоқчи бўлган ва кредит сўммасига эҳтиёж билдирган ёшларга Ёшлар иттифоқи қошида ташкил этиладиган махсус жамғарма ҳисобидан кредит бериб, уларнинг бизнес ғояларини молиявий қўллаб-қувватлаш назарда тутилаётгани таъкидланди.  

–Мазкур Фармонда назарда тутилган замонавий билим ва кўникмаларга эга, мамлакатнинг муносиб келажаги учун жавобгарликни ўз зиммасига ола биладиган баркамол, мақсадга интилувчан ва серғайрат ёшларни тарбиялаш мамлакатни барқарор ва илдам ривожлантиришда асосий йўналишлари аниқ-тиниқ қилиб белгилаб берилган, – дейди халқ депутатлари Нуробод туман кенгаши депутати Асомиддин Зиятов. Ҳозирги вақтда туманимизда 40 мингга яқин, 14 ёшдан 30 ёшгача бўлган ёшлар истиқомат қилишади.Ушбу Фармон миллионлаб республикамиз ёшлари қатори нурободликлар учун ҳам катта имкониятлар эшигини очади.

Тадбирда ташкилотчилар маҳалла фаоллари билан биргаликда аҳоли хонадонларида бўлиб, ёшлар билан суҳбатлар ўтказди, тадбиркорликни бошлаш истагида бўлган ёшларга зарур маслаҳатлар берилди.

Сайфиддин Расулов,

 Халқ депутатлари

Нуробод туман кенгашидаги

O‘zLiDeP депутатлик

гуруҳи ижрочи котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!