Бухоро туманидаги “Марокко-Малерка” хусусий корхонаси ва “Бек Зарафшон” фермер хўжалигида фаолият олиб бораётган O‘zLiDeP бошланғич ташкилотлари халқ депутатлари Бухоро туман Кенгаши депутатлари ҳамда бир гуруҳ тадбиркорлар билан ҳамкорликда тумандаги Работиқалмоқ қишлоқ фуқаролар йиғинида Ўзбекистон Республикаси Мустақиллигининг 26 йиллиги муносабати билан 200 кишига байрам тадбири ташкил этилди. Байрам дастурхони ёзилиб, миллий таомларимиз тортилди.

Тадбирда Мустақиллигимиз – фахримиз, ифтихоримиз, буюк келажак сари интилишимизнинг асоси эканлиги, уни асраб авайлаш ҳар биримизнинг муқаддас бурчимиз эканлиги алоҳида таъкидланди.

Туманнинг истеъдодли ёшлари байрам дастури билан иштирок этиб, йиғилганларга кўтарингки кайфият улашдилар. Тадбирда ҳудудда истиқомат қилувчи кам таъминланган оилаларга байрам совғалари тақдим этилди.                  

                                               O‘zLiDeP Бухоро вилоят Кенгаши

Матбуот хизмати

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!