O‘zLiDeP Жомбой туман Кенгаши томонидан “Бунёдкор аёллар” лойиҳаси доирасида “O‘zLiDeP – тадбиркор аёллар кўмакдоши” мавзуида давра суҳбати ташкил этилди.

Тадбирда қишлоқ жойларда доимий иш ўринлари ташкил этувчи тадбиркорлик субъектларини қўллаб-қувватлаш учун тижорат банкларида гаровсиз имтиёзли кредит маблағлари ажратилиши тадбиркорларни рағбатлантириш билан бир қаторда олис ҳудудларда саноат ва ишлаб чиқаришни ривожлантиришга кенг имконият яратаётгани алоҳида таъкидланди.

– Юртимизда тадбиркорлик қиламан, ўз бизнесимни бошлайман, деган киши учун барча шарт-шароитлар бор, – дейди хусусий корхона раҳбари Лобар Ҳайдарова. – Шу боис асосий эътиборни рақобатбардош маҳсулотларни ишлаб чиқаришга қаратяпмиз. Бунинг учун “Агробанк” туман филиалидан имтиёзли кредит олиб, JANOME  русумли газламага гул урадиган тикув машинасини харид қилдик. Даромадимиз яхши, йилига 15-20 млн соф фойда оляпмиз. Ҳар йили 20 дан ортиқ кам таъминланган, шароити оғир хотин-қизларга тикувчилик сирларини бепул ўргатяпмиз. 

Таъкидлаш керак, бугун партия “Аёллар қаноти” фаолиятидан хотин-қизлар ҳурсанд. Чунки партия фаоллари ташаббуси билан амалга ошираётган саъй-ҳаракатлар давомида кўплаб опа-сингилларимиз бандлиги таъминланиб, уларнинг кўпчилиги ўз бизнесини йўлга қўймоқда.

Марҳабо ЧЎЛИЕВА,

O‘zLiDeP Самарқанд вилоят

Кенгаши бўлим мудири

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!