O‘zLiDeP Фарғона вилоят Кенгаши, Бағдод туман ҳокимлиги ва Ўзбекистон ёшлар иттифоқи туман Кенгаши билан ҳамкорликда “Юксак маънавиятли ёшлар – юрт келажаги” мавзуида ёшлар анжумани ташкил этди.

Тадбирда партия вилоят Кенгаши фаоллари, Бағдод туман ҳокимлиги ва  Ўзбекистон ёшлар ититифоқи вилоят Кенгаши масъул ходимлари, халқ депутатлари вилоят, туман кенгашидаги партия депутатлик гуруҳи аъзолари, маҳалла фаоллари, тадбиркорлик қилиш истаги бўлган ёшлар ҳамда ОАВ вакиллари иштирок этди.

Мақсад Президентимизнинг 2018 йил 27 июндаги “Yoshlar – kelajagimiz” Давлат дастури тўғрисида”ги фармони ҳамда шу йилнинг 4 июль куни мамлакатимиз раҳбари бошчилигида ёшлар билан манзилли ва тизимли ишлаш масалаларига бағишланган видеоселектор йиғилишидан келиб чиқадиган вазифаларни таҳлил қилиш.

–Дастурда белгиланган вазифалар барча ташкилотлар қатори O‘zLiDeP “Ёшлар қаноти” зиммасига ҳам катта масъулият юклайди, – дейди партия вилоят Кенгаши ёшлар билан ишлаш бўлим мудири Юсуфжон Юсупов. – Шу боис, ҳозирда Дастурда назарда тутилган устувор вазифалар ижросини таъминлашга жиддий киришганмиз. Бунда энг аввало, уюшмаган ёшларни аниқлаш, уларни қизиқишларини ўрганиш, тадбиркорлик фаолиятини бошлаш истагида юрган ёшларни ҳар томонлама қўллаб-қувватлашга алоҳида эътибор қаратяпмиз.

Тадбирда ёш тадбиркорлар фаолиятида учраётган муаммоларни ҳал этишда “Yoshlar kelajagimiz” жамғармаси билан узвий ҳамкорликни йўлга қўйишга келишиб олинди.

O‘zLiDeP Фарғона вилоят Кенгаши

матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!