Амударё туманидаги “ТАMARA-TEXSTIL” МЧЖда асосан аёллар,  эркаклар ва болалар кийимлари ишлаб чиқарилади. Шу кунларда корхона раҳбари Тамара Юсупова фаолиятини янада кенгайтириб, янги иш ўринлари очиш ниятида.

Сабаби, яқинда у тайёр тикув маҳсулотларини ишлаб чиқариш лойиҳаси билан бино ва иншоотлар ажратиш бўйича туманда ташкил қилинган тендерда ғолиб бўлди.   

Умумий қиймати 366 млн.сўмни ташкил қилган лойиҳанинг 230 млн.сўми ўз маблағи ҳисобидан, қолган 136 млн.сўми эса “Миллий банк” томонидан ажратилади. Асосийси, лойиҳа ишга тушгач 15 та иш ўрни яратилади.

–Тиниб-тинчимас бу тадбиркор ўсиб келаётган ёш авлодга, айниқса, уйда ўтирган хотин-қизларга бизнеснинг барча сир-асрорларини ўргатади, – дейди O‘zLiDeP Амударё туман Кенгаши аппарат раҳбари Муқаддас Бекназарова. – Шунингдек, у сиёсий жараёнларга ҳам бефарқ эмас, партия томонидан ўтказиб келинаётган тадбирларда фаол қатнашади. Қувонарлиси, яқинда тадбиркор 5 нафар уюшмаган ёшни ишга қабул қилиб, корхона қошида партиянинг бошланғич ташкилотини тузди.

Тамара Юсупова мисолида ёшларга тадбиркорликка бўлган ишонч, мақсадларига қатъият билан барча марраларни эгаллаш мумкинлигини айтгимиз келади.

Лола Қаллиханова,

O‘zLiDeP Қорақалпоғистон

Республикаси Кенгаши

матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!