Ҳар бир инсоннинг интилиши, олдига қўйган мақсади, келажакдан кутган орзу-умидлари, юрагининг туб-тубида сақлаган эзгу ниятлари бўлади. Назаримда, ушбу орзу-мақсадлар негизида юрт корига яраш, атрофидагиларга қўлидан келганича ёрдам бериш, халқ манфаатини ўз манфаатидан устун қўйиш, одамлар оғирини енгил қилиш йўлида ташаббус кўрсатиш, бир сўз билан айтганда, жамиятдаги айрим ҳаётий қийинчиликларни енгиб ўтишда фаоллик керак.

Президентимизнинг 2017 йил 12 июль куни парламент палаталари, сиёсий партиялар, Ўзбекистон экологик ҳаракати, халқ депутатлари вилоят, туман ва шаҳар Кенгашлари фаолиятининг таҳлили ҳамда истиқболдаги вазифаларига бағишланган видеоселектор йиғилишидаги “Парламентимиз хақиқий демократия мактабига айланиши, ислоҳотларнинг ташаббускори ва асосий ижрочиси бўлиши керак” маърузасини тинглаб, бу борада ташкил этилган тадбирларда қатнашиб яна бир бор амин бўлдимки,  барчамизда ана ўша ҳаётий интилиш ҳар бир партия фаоли, ҳар бир депутат ва қўйингки, ҳар бир юрт фуқаросида устивор мақсад бўлиши кераклиги, бугунги кун олдимизга ҳудди шундай талабларни қўяётганлигига яна бир бор амин бўлдим.

Президент маърузасига бағишлаб 34-“Марғилон дарвозаси” маҳалла фуқаролар йиғинида ташкил этилган тадбирда мамлакатимиздаги сиёсий партиялар, депутатлар фаолиятига аниқ баҳо берилганлиги, мавжуд камчиликлар, йўл қўйилаётган салбий холатлар, лоқайдлик рўй-рост очиб берилганлиги ва мавжуд вазиятни ижобий тарафга ҳал этиш борасида қатор кўрсатмалар берилганлиги, уларга оғишмай амал қилиш лозим эанлиги таъкидланди.

Дарҳақиқат, бугунги кунда депутатларда, партиянинг ҳудудий бўлимларида, айниқса чекка-чекка туманларида ишчанлик кайфияти сезилмаётганлиги, жойлардаги муаммоларни ечиш борасида партияларда ташаббуслар кўзга ташланмаётганлиги, айниқса, партияларнинг “Ёшлар қаноти” фаолияти кўнгилдагидек эмаслиги танқид остига олиб ўтилганлиги партия фаоли сифатида шахсан мени чуқур ўйга толдирди ва хулосалар чиқаришга ундади. 

Тўғри, кичиккина тадбиркорлик субъектимиз бўлган “Интеллект-магистр” масъулияти чекланган жамияти билан O‘zLiDeP Қўқон шаҳар Кенгаши ўртасида ўзаро мустаҳкам ҳамкорлик алоқаларини йўлга қўйганмиз. Ташкилотимизда бошланғич партия ташкилоти ташкил этганмиз ва барчамиз O‘zLiDeP аъзосимиз ҳамда ҳар ойда биргаликда партия тарғиботини амалга ошириб тадбирлар ташкил этиб турамиз. Бироқ, маърузадан билдимки, бизнинг олиб бораётган ишларимиз ҳали ҳеч нарса эмас экан. Барча соҳаларда партия билан ҳамкорлик қилиш, янада фаол равишда партия тарғиботини амалга ошириш ҳамда янги-янги ташаббуслар билан чиқиш, қисқача айтганда, иш тизимини мутлақо янгича қўринишга келтириш талаб этилади ва шундай фаоллик билан ишлашга астойдил бел боғладик. Зеро, олиб бораётган ҳар бир ишимизда натижа бўлиши керак. Бугунги давр барчамизнинг олдимизга ана шундай талабларни қўймоқда...

Ирода Бахриддинова,

“Интеллект-магистр” МЧЖ БПТ раиси

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!