O‘zLiDeP Сиёсий Кенгаши Ижроия қўмитаси ҳамда Самарқанд вилоят ва туман Кенгашлари ходимлари, маҳаллий Кенгаш депутатлари фаоллари Иштихон туманидаги “Хумо” МФЙга қарашли “Хина” қишлоғи аҳолиси билан учрашди.

Учрашувларда “Ҳар бир оила-тадбиркор” ва “Yoshlar – kelajagimiz” дастурлари доирасида тадбиркорлик билан шуғулланмоқчи бўлган ёшларга ва ҳар бир оилага имтиёзли кредитлар ажратилиши тўғрисидаги энг муҳим маълумотлар аниқ ва содда тилда тушунтириб берилди ва аҳолининг муаммолари ўрганилди.

“Хумо” МФЙга қарашли Хина қишлоғида яшовчи Мавлонов Шодмон бобо 10 сотихли томорқасига 200 минг туп тут кўчатини парваришламоқда. Шодмон бобо ер олган ҳолда ушбу кўчатлардан тутзор яратиб, пиллачиликни ривожлантирмоқчи. Ушбу масалада озгина ер кераклигини айтиб ўтди. Бу масалани ўрганиб чиқишни партия депутатлик гуруҳи аъзолари ўз зиммасига олди.

Шунингдек, партия фаоллари “Аҳиллар” кўчасида яшовчи Камолиддин Пирназаров хонадонида бўлишди. У билан суҳбатда маълум бўлдики, 100 та товуқ етиштириб, 10 миллион даромад кўрган. Ёш бўлишига қарамай бу борада зарур билимларга эга. Шу сабабли, у ўз фаолиятини кенгайтириб, паррандачилик фермасини ташкил қилиши учун 100 миллион сўмлик кредит кераклигини айтиб ўтди. Бу масалада банкларга қилган мурожаати бесамар кетмоқда. Ушбу муаммо бўйича тегишли ташкилотларга депутатлик сўрови юборишга келишиб олинди.

Амалий учрашувлар давомида алоҳида фаоллик кўрсатган, маҳаллада ҳурматга эга ва ишчи гуруҳ фаолиятига яқиндан ёрдам берган 5 нафар маҳалла фаоллари партиянинг тарғибот-ташвиқот гуруҳи таркибига киритилди.

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!